網瘋傳時代廣場停車場保安推女人！作勢打人再逃離現場　網民：圍方2.0

時代廣場保安員推撞Tesla女乘客　男司機落車同樣「中獎」

片段中可見，一輛海豚灰色的Tesla由地庫停車場駛到地面，但未有向左邊方向離開，停在另一方禁止向右駛出的閘口。起初身穿黑白間條的短褲女下車，並行到車頭前，而身穿反光衣的男保安即時行上前，並作出除帽、戴帽的動作，但仍發出一股怒氣。然而，男保安突然手指指，女生想向右手邊行一歲，男保安即時大力推撞女事主，令女事主「彈開幾步遠」。

此時男司機即時落車，而男保安眼見司機開車門，隨即再激動地出動「手指指」，指向男司機方向，更把頭上一頂帽扔到地上。男車主上前護花，男保安即時出手推開男車主，再施施然離去。然而，男車主即時向在場身穿黑色西裝的商場人員投訴，，及後二人上車準備離開，原本禁止駛出的閘口亦「開閘」。

網民：唔知咩事但個保安好有問題！

網民看到男保安的做法後，表示「雖然原片無講發生咩事，但就算車主有任何不合理的地方，男保安的處理手法極度有問題」，更指「郁手就一定X街，如果道理你自己到，又為什麼走咗去?」、「嘩！惡過圍方，而家啲保安以為自己係X安」、「而家啲保安個個以為自己係警察， 叫人躝，推撞人襲擊人都覺得冇問題」、「見到有個高級小小即刻走埋嚟同佢哋傾，然後指佢哋去右手邊， 個司機應該係開車入去，然後投訴， 其實依啲先識玩， 唔嘈交唔做負面嘢，件事變成淨係個保安惡意襲擊， 無嘢畀其他人質疑」、「呢個保安之前喺time square 側面個落客位守嘅， 都幾跳脫，有次我Uber 落車佢突然衝出來截停架車喺度鬧， 然後佢同事推開佢講唔好意思，問佢哋係咪唔可以落車佢哋又話唔係」、「條友係咪喺圍方轉過嚟㗎」、「而家啲保安咁惡，真係啲商場重視吓個問題啦。

不過，亦有人指司機有錯，因「時代廣場停車場出口，左邊係私家車出，右邊係貨車出，你自己行錯路仲話人」、「唔好跟車咁貼，以免炒車」、「推人係唔啱，不過條片無聲，如果女仔係行埋去講 『:X你老X死食蕉，見有車唔識開閘? 咁大家又如何判斷』」。

片段來源：YouTube@車CAM特警