赤柱聖誕市集2021｜60個特色攤檔＋美食＋手作＋送足金黃金 記者現場率先睇！

撰文：Heidi.M | 來源：新假期編輯部、赤柱廣場

赤柱聖誕市集開鑼啦
多款獨家美饌產品首度亮相

赤柱廣場首次舉辦為期8日嘅主題聖誕市集。是次市集集結逾60個人氣品牌，包括被譽為「咖啡屆Apple」嘅Blue Bottle Coffee、代表香港本土Gin酒品牌白蘭樹下嘅丹丘蒸留所、「Bloomberg 2020年全球最佳漢堡」唯一入榜嘅香港漢堡店Honbo、首次於香港亮相的法國百年巧克力品牌Marquise De Sevigne、前5星酒店大廚主理嘅Jacques X Diverxu、IG熱捧店如Infinity C by October、LIFETASTIC、廿一由八pantry等。其中更有多款獨家美食同產品於市集首度亮相。

配合防疫措施，市集內係唔可以食嘢，建議大家一次過買齊，喺市集範圍外慢慢歎！

聖誕精品及手作

西部牛仔淘金小鎮 極具異國風情打卡必到！

今年赤柱廣場大玩美國西部牛仔風情，市集入口處擺放了西部牛仔嘅裝飾，而部分攤檔佈置更以原木打造，配合金礦場景，令人彷彿走進了美國西部牛仔嘅淘金小鎮。廣場中央雪糕店上蓋特設 2.5 米高吹氣巨型木筒及氈帽，十分吸睛。

市集更首次設有模擬淘金遊戲，參加者於限時內進行淘金，每個活動日嘅出者可獲足金黃金！另外，赤柱廣場亦特別設計3款主題線上遊戲，俾大家喺前往赤柱途中或於現場感受濃厚嘅聖誕氣氛，完成達標即可獲贈禮品。聖誕老人更將於指定日子於美利樓，與大家見面拍照，共慶聖誕佳節!

特設免費車船接載服務

為咗方便大家往返南區及活動場地，活動期間特設免費穿梭巴士及船隻往返赤柱及港島各區。同時，活動當日不設時租泊車服務，訪客可透過「泊食易」手機應用程式提前預留車位， 車位數量有限，先到先得。赤柱廣場重視市集環境衛生，特別安排 Raze 光觸媒消毒公司提供全面保護。

赤柱聖誕市集：赤柱廣場「Wild West Adventure聖誕市集」

地點：赤柱廣場天幕廣場及公共空間(顯示地圖)

日期：2021年12月11-12日、18-19日及24-27日（一連三個星期六、日及公眾假期）
官方網站：https://www.linkhk.com/tc/promotion/454
交通：赤柱廣場特設免費穿梭巴士及船隻往返赤柱及港島各區；於港鐵香港站D出口外的中環交易廣場巴士站，搭乘6、66、6X、6A或260巴士；於銅鑼灣渣甸街，搭乘40綠色小巴；在尖東巴士總站或廣東到新港中心外，搭乘973巴士。

常見問題

問：活動地點在哪兒？
答：赤柱廣場天幕廣場及公共空間，特設免費穿梭巴士及船隻往返赤柱及港島各區。市集詳情

問：除了赤柱聖誕市集外，還有其他市集推介嗎？
答：除了赤柱聖誕市集外，更多推介請看：全港7大聖誕節市集推介