西九龍中心慘變死場！記者直擊商場實況 電梯全封9樓零人流 店主：好多人已經放棄咗呢度

西九龍中心慘變死場記者直擊商場實況
人流屈指可數舖頭十室九空

記者於中午12時到達西九龍中心，接近午飯時間理應人來人往。但一入門口見到之前要排隊等嘅扶手電梯位，只有零星一兩人上落。採訪期間聽過幾位街坊都話商場十室九空，同以前嘅西九龍中心好唔同，與疫情前相比，人流大不如前。

商場曾一度封扶手電梯 令9樓商店租戶雪上加霜

因咩解究要封扶手電梯呢？有9樓商戶向記者表示，估計係因為「9樓大戶」奇趣天地喺疫情下須停業，於是西九龍中心就將由8樓通往9樓嘅主電梯用鐵馬攔住。位於9樓嘅商戶當時嘅心情有如熱鍋上嘅螞蟻，因為當時正值新年期間對零售業界係賺錢嘅黃金期，可惜當時向商場投訴，都得唔到任何回覆。有租戶選擇轉戰網購模式繼續營運，亦有啲選擇轉讓，甚至無聲無息地離場。

近日電梯重開 業主依然處於垂死邊緣

喺最艱難嘅時期，有幾位店主都抱住關關難過關關過嘅心態守住間舖，希望做得一個客得一個客，事關商場並無體諒之前封電梯影響商店收入，更岀一封又一封嘅交租信提醒業主交租。有商店業主坦言，當初封電梯，商場仍欠佢哋一個交代。即使現在電梯重開，甚至增設營業告示牌，而家行商場嘅人已經大大減少，設施如同虛設，反而希望商場可以體恤租戶減租甚至免租。