東鐵過海段$2巴士轉乘優惠！4大港島行山路線推介 睇夢幻靚景打卡！

$2巴士轉乘優惠 4大港島行山好去處

大家由會展站出閘轉乘指定城巴新巴路線，即可享有第二程$2轉乘優惠，而乘巴士回程轉乘港鐵亦同樣有優惠。大家去行山又多幾個好去處了！優惠為期半年，想去行山的朋友可以趁機會慳返少少錢！

港島行山好去處1: 紫羅蘭山、孖崗山

巴士路線1M途經黃泥涌峽：大家可以連走紫羅蘭山孖崗山行山路線，沿途更可以欣賞花期極短的吊鐘花盛放（新年期間才有）！行到最後更有夢幻式宮崎駿動畫打卡位，可以睇盡赤柱半島靚景！

在孖崗山觀景台上，欣賞大潭灣、東頭灣、黃麻角及大潭頭風光，你可沿赤柱峽道下山。

紫羅蘭山孖崗山

路線： 黃泥涌水塘 –紫羅蘭山淺水灣坳孖崗山赤柱峽道 紫羅蘭山孖崗山
時間： 需時4小時左右

港島行山好去處2: 紅香爐峰

25A巴士途經寶馬山：大家可到達熱門日落好去處！出發去紅香爐峰，大家可以巴士站開始步行到紅香爐峰標高處，最多只是需時30分鐘左右，真是十分適合行山超新手人士。

上到紅香爐峰，可以俯瞰整個維港美景，亦可以看到香港島至九龍半島的維多利亞港兩岸景致與高樓大廈。如果你選對時間上山，更可以看到日落和夜景景色。

紅香爐峰

路線：寶馬山＞金督馳馬徑＞紅香爐峰＞金督馳馬徑＞（原路折返）

需時：約30分鐘

港島行山好去處3: 歌連臣角砲台

788巴士途經小西灣總站：大家到達小西灣海濱花園往右邊行直到見到梯級，就是龍躍徑的起點。再行上斜路，往樓梯行就會到達「歌連臣角道」，之後就向下斜方向繼續行。

歌連臣角炮台有80年的歷史，碉堡內極多打卡位之外，更可望住無敵大海景，對望港島東面，在「大電視」前無難度影靚相！

歌連臣角砲台

路線：小西灣海濱花園＞歌連臣角炮台＞（砵甸乍山觀景台）＞小西灣海濱花園

需時：1.5小時左右 (如上砵甸乍山觀景台, 則需要多預1小時)

港島行山好去處4:灣仔峽道

780巴士途經灣仔:大家行至灣仔石水渠街上，可見樓高四層的藍屋，可以在這香港少數帶有露台的唐樓前打卡，之後大家就準備走上灣仔峽道。

灣仔峽道又名「灣仔自然徑」，走入寶雲道便會看到姻緣石，你更可以飽覽跑馬地和銅鑼灣一帶美麗景色。

灣仔峽道

路線：石水渠街灣仔峽道警隊博物館搭乘15號/15B巴士下山返回灣仔

行程:約1.5小時