大埔林村好去處｜情侶打卡路線：嘉道理農場賞花＋歐陸風餐廳＋異國植物園

1.嘉道理農場 大埔林村保育天地：植物園賞花 感受大自然

嘉道理農場暨植物園位於大埔林村，早於1956年成立，園區面積佔地148公頃，大到橫跨了大埔區和元朗區，而目的是為了推廣生物多樣性及保育，永續綠化自然環境，除了觀賞以外也有不同的工作坊。今次林村遊第一站就先拜訪嘉道理農場，這裡一年四季都有不同的花種盛放，行到邊都有花睇，可謂賞花必到熱點！

（*在嘉道理農場遊園時記得要保持安靜，唔好掛住打卡，要好好感受大自然。影相時亦不要觸碰及拉扯植物/花朵，不要打擾大自然的生物，敬請愛護植物及植被，永續綠化環境。）

超過百種五彩繽紛的花朵遍布上山區和下山區，一望無際的森林景色超級療癒，加上大自然生機處處，不少小動物都會在身邊經過，例如小青蛙、蝴蝶等等，當然要影吓靚相，同時呼吸清新空氣，淨化心靈啦！同時園內也飼養了多種動物，這些動物大部份都是因為受傷或因被非法走私充公而來到這裡，因為無法再野放的關係，變成園內的「教育大使」。

• 嘉道理農場
• 地址：大埔林錦公路（顯示地圖）
• 開放時間：星期一至日 9:30am-5pm
• 入場費：成人 $50（12-59歲）；小童$25（4-11歲）；4歲以下、60歲或以上長者及合資格殘疾人士免費
• 前往方法：選乘行走大埔至元朗西的64K巴士，於嘉道理農場暨植物園的巴士站下車；另外提供10個車位可供遊人網上預約，名額有限，先到先得
• 網址：www.kfbg.org
• Facebook：嘉道理農場暨植物園 Kadoorie Farm and Botanic Garden

2.林村歐陸庭園風 荷華庭餐廳：必試德國咸豬手

行完嘉道理農場賞完花，下一站就去醫肚啦！荷華庭是位於林村的隱世園林餐廳，雖說是隱世，但其實位置不算難搵，只要沿林村大門口直入轉左即可到達。門口有一個錦鯉池，再過埋一道小橋就看到多間小木屋的園林景致，好似去咗歐洲嘅Resort咁！

餐點方面以西式為主，主打各式烤肉、焗意粉/飯等，其中必試燒德國咸豬手，外表烤得香脆，肉質軟嫩，惟入口感覺略嫌偏咸，但整體園景夠靚，足以搭救！午餐餐牌不定期會更新，可以試試不同選擇。

• 荷華庭園景餐廳
• 地址：大埔林村放馬莆43號地舖
• 開放時間：星期一至日 11:30am-10pm
• 前往方法：乘搭64K，由嘉道理農場站出發，到放馬莆（林村許願樹）落車，車程約20分鐘，到埗後往林村方向走去，約5分鐘即可到達。

3.異國風植物園 BOTANIC UNION：綠色溫室＋仙人掌 絕美打卡位！

最後一站來到位於較寮下的異國風植物園，甫走入店內就有種被療癒的感覺，這裡種植了多款熱帶植物，當中以仙人掌、多肉植物、空氣草為主，細細棵非常可愛。允許買植物回屋企種，款式多而且價格相宜，店主更會熱情地教你如何打理植物。

植物小店位置開揚，店內每個角落都好有心思去擺設同設計，放了不少椅子給客人使用及坐低休息，被植物包圍的感覺好特別，個景咁靚當然要打卡啦！另外，小店亦有進行園藝設計、植物藝術創作、不時舉行工作坊等，有興趣的朋友可以查詢同參加！

• BOTANIC UNION
• 地址：林村較寮下65號
• 開放時間：星期一至五 10am-6pm
• IG：botanic_union
• 前往方法：可以步行方式前往，由荷華庭園景餐廳沿林錦公路向較寮下方向前行，路程約10分鐘。