鑽石山開KAKAO FRIENDS聖誕遊戲樂：3大打卡位＋5米大Apeach彈床＋2米高海盜船滑梯＋過百款限定商品

撰文、攝影：KL

鑽石山設Kakao Friends遊戲天地
聖誕限定造型曝光 必到3大打卡位

今個聖誕，鑽石山荷里活廣場將於2021年11月4日至2022年1月2日將商場變成「Kakao Friends聖誕夢幻樂園」，多個角色包括：Ryan、Apeach、Jay-G 以及最新角色 – 春植更會首次以聖誕造型矚目登場，粉絲唔好錯過呀！現場設有3大打卡位，分別係樂園入口嘅3米高拱門，門兩邊聖誕冷帽圍巾造型嘅Ryan，以及著聖誕襪嘅春植！樂園中央則有個大型舞台，多個Kakao Friends人氣角色包括Tube、Con、Muzi及Neo & Frodo，以聖誕造型出現在舞台上的旋轉木馬，旁邊有Jay-G戴上心心眼鏡配上聖誕冷帽，非常型格。

2大互動遊戲區 5米高Apeach彈床＋2米高海盜船滑梯

今次場內設有2大互動遊戲玩樂區，包括「Ryan飛越海盜船」同埋「Apeach彈彈咖啡杯」，係全港首個Kakao Friends主題遊戲玩樂區。「Ryan飛越海盜船」係樂園重點互動遊戲之一，以海盜船做主題嘅大型滑梯，足足有2米高！大家坐上水泡後就能享受從高處滑下的極速快感。

• Ryan 飛越海盜船」體驗區
• 日期：2021年11月4日至2022年1月2日
• 時間：中午12時至晚上8時
• 對象：5歲或以上、身高最少為80cm及體重85kg以下
• 活動時限及名額：每節長約6分鐘及名額6個
• 參加方法：憑即日於場內電子貨幣消費滿HK$200，可換領體驗區入場券一張；荷里活廣場VIC會員憑5積分，於手機應用程式換領體驗區電子入場券一張

至於另一個則是以粉紅色咖啡杯為設計嘅「Apeach彈彈咖啡杯」，內部設有一個5米大的彈床，啱哂一家大細齊齊玩！

• 「Apeach 彈彈咖啡杯」體驗區
• 日期：2021年11月4日至2022年1月2日
• 時間：中午12時至晚上8時
• 對象：5歲或以上、身高最少為80cm及體重85kg以下
• 活動時限及名額：每節長約6分鐘及名額4個
• 參加方法：憑即日於場內電子貨幣消費滿HK$200，可換領體驗區入場券一張；荷里活廣場VIC會員憑5積分，於手機應用程式換領體驗區電子入場券一張

過百款主題精品　消費換領限定禮品

除了玩樂區和多個打卡位外，同場亦設有「KakaFriends期間限定店」，售賣多款人氣精品，包括水樽、八達通套、電話保護套、爆谷桶、雨傘、無線充電池等等，另外憑商場消費或VIC積分換領3款Kakao Friends獨家限定精品，包括「Kakao Friends 2022年座枱月曆」、「Kakao Friends掛頸八達通套」及「Ryan x Apeach餐碟套裝」！另外Ryan和Apeach更會在指定周末舉辦「Ryan & Apeach見面會」，想同佢哋影相嘅話，可以憑消費或VIC會員積分，即可換領入場券一張。

• 「Ryan & Apeach 見面會」
• 日期：2021年11月13日至2022年1月2日 (逢星期六、日及公眾假期)
• 時間：下午2時至5時
• 活動時限及名額：每節長約15分鐘及名額8個 (每個名額限最多4人參與及只可拍攝3張照片)
• 參加方法：憑即日於場內電子貨幣消費滿HK$200，可換領見面會入場券一張；荷里活廣場VIC會員憑5積分，於手機應用程式換領見面會電子入場券一張

• 荷里活廣場「Kakao Friends 聖誕夢幻樂園」
• 地點： 鑽石山荷里活廣場一樓明星廣場（顯示地圖）
• 日期：2021年11月4日至2022年1月2日
• 時間：上午10時至晚上10時

問：以上活動需要入場費嗎？

答：憑即日於場內電子貨幣消費滿HK$200，可換領體驗區入場券一張。

問：活動日期到何時結束？

答：活動時間由2021年11月4日至2022年1月2日。