超市收多錢？事主2張單據貨品一樣收多$89！網民：成日都錯！｜飲食熱話

Oct 20 2022

超市竟然有海鮮價？近日就有網民在Facebook群組「職人吹水」發帖，嬲爆爆指責超市多收了錢：「好離普(譜)」，並上載了2張惠康的單據，證明多收了錢，指自己發現超市收多錢後，返回超市與職員對單，「樣樣收貴左、大家要睇清楚呀」大部份網民身同感受，分享自己被超市收多錢的情況，不少人懷疑職員刻意收多；不過亦有眼利的網民發現樓主用的是自助機，對單是自己責任。大家又點睇呢？

超市買餸被收多錢？事主2張單據一張收多$89

有網民在Facebook群組「職人吹水」發帖，分享自己被超市多收了錢的經過，上載了2張超市單據，一張是多收了的單據，盛惠$328；另一張是與職員對單後的單據，盛惠$239。樓主似乎非常勞氣，發文：「好離普，右邊張單328，落去同佢對單，樣樣收貴左、大家要睇清楚呀，退返都好吾滿意吟（咁）。」表示每樣貨品都收貴了，好在自己發現後，返回店內與職員對單，並呼籲大家要小心對單，不過職員態度似乎不好，氣得樓主在文中頻頻用上氣憤、反白眼的emoji。

有網民在Facebook群組「職人吹水」發帖，分享自己被超市多收了錢的經過，並上載了2張超市單據。（圖片來源：「職人吹水」群組截圖）

超市一張單據總數為$328，亦清楚列明機號，應該是使用自助機付款。 — 一張單據總數為$328，亦清楚列明機號，應該是使用自助機付款。（圖片來源：「職人吹水」群組截圖）

超市另一張是3小時後，對單之後所出的單據，減去了解$79。 — 另一張是3小時後，對單之後所出的單據。（圖片來源：「職人吹水」群組截圖）

樓主覺得超市多收了錢，回去對單，職員態度又不好，於是嬲爆爆發帖文。（圖片來源：《愛回家》劇照）

網民身同感受！

帖子引來網民留言熱議，不少人都身同感受，紛紛分享自己的「中招」經歷：「百佳都成日錯，無啦啦多咗啲嘢！」、「我都試過！明明Enjoy card有92折，結賬後番睇單係冇。」大家都覺得在超市購物，一定要對單：「係呀！很多時收多左，打錯左，有折又變無折，所以要查看。」而且有時價錢牌和電腦價錢不一樣，要小心核對：「經常電腦價錢同價錢牌唔一致。必須每次對單。如果係職員唔記得換價錢牌而收貴咗，佢哋唔可以用呢作藉口收貴價錢。」

超市大家紛紛分享自己的「中招」經歷。 — 大家紛紛分享自己的「中招」經歷。（圖片來源：「職人吹水」群組截圖）

懷疑職員出蠱惑？！

更有人覺得超市職員手腳不乾淨：「唔係惠康，係全世界都一樣，有時收銀姊姊會將自己啲嘢都加落個客度。所以一定要對單。」、「我會同惠康投訴，職員可能出蠱惑」覺得職員刻意收多，從中抽水：「收銀見到一大車埋單，一定故意計貴，好多人冇耐心就比錢，收銀機可以合法short錢一日拉勻幾發達」

不過就有網民不認同，就算收多了，都是入公司數，不會落職員袋：「收銀員唔識計數㗎，係部收銀機計的。如收銀員重覆了掃瞄貨品，收多了錢，佢都冇得分錢，全數都是公司的」、「試過十幾次，其實唔關職員事，係佢地豬腦未改番價錢，同埋成日都改價，收銀系掃條碼，收多收少都歸公司，唔好錯怪職員，買完對番單有收錯同佢地收番就得」。

樓主用自助機，對單是自己責任？

但有明眼人就提出，細看樓主第1張單，應該是使用自助機付款，根本不關職員事：「似唔關職員事，樓上有人講係樓主自己用自助收銀機出事，睇返張貴價單，真係無收銀員的名，平時係職員收錢係有名」既然用得上自助機，對單就是自己的責任：「自己梗係有責任對單㗎喇，有少少錯咪同佢講囉，又唔係唔認帳，有幾離譜？」

更有人懷疑是樓主自己沒用優惠券，不需遷怒他人，更覺得2張單相距3小時，懷疑樓主搏大霧等降價：「係你第一次用自助機，無用優惠啫，相隔3個鐘，其他產品價錢變咗絕對唔出奇。我唔覺得有問題，你話同一時間價錢有分別就話啫，你隔3個鐘喎。」大家爭論得火氣十足，後來有網民幫忙澄清樓主清白，優惠券在輸入Yuu ID後便自動生效，而且減價貨品在3小時內沒有改價。