山姆又中伏 麻糬硬過石頭 網友教路1招變軟！

山姆麻糬硬到似石頭

有網友上載一條影片到「山姆中伏分享Group」，片段可看出事主從一盒麻糬波波中拿起一粒，以手用力緊握，麻糬波波完全沒有變形，然後再多次敲向不銹鋼碟，發出「框框聲」，更沒有任何碎開，絲毫無損！事主在帖文指出自己之前試過一次，認為味道不錯才回購，結果回港發現再買的麻糬波波「好硬」，詢問各大網友如何處理。

網友教路！濕水焗熱可再吃

中伏麻糬得到網友的熱烈迴嚮，笑指「佢仲硬過條命」、「入完雪櫃都無咁硬」、「無落防腐劑，好野黎」、「第一次買就似石頭，可能唔係自己想要ge口感，丟曬」，不過幸好事主亦得到好心網友教路「氣炸鍋180度預熱3分鐘，噴少少水在飽上面，然後焗5-7分鐘，就會好食」，事主之後亦更新：「濕啲水焗返熱真係冇咁硬，不過就要食完一隻先焗第二隻，凍返小小又變石頭」。

不過，有其他網友就認為自己試過這款麻糬，好吃並沒有任何問題，質疑事主是否雪到硬一硬才拍片，似乎這款麻糬的軟硬度已成羅生門，能否吃到好味又軟熟的麻糬波波要看運氣了！

同場加映！網民：粉質鞋過80歲阿婆

除了麻糬波波，亦有網民在「山姆中伏分享Group」分享了一款在山姆購買的意粉，並勸籲網友不要買，指「非常難食，粉質鞋過八十歲亞婆，中伏了」，帖文也引起網友熱議，諷事主「意粉就算香港買最平幾蚊包都有，使乜喺山姆買？」、「第一次見人買呢d香港週圍有嘅嘢」、「下意粉香港好貴咩？」，並有網友留言為該款意粉辯護「這個應該是粗粒小麥粒做的，那一定不會滑。」、「你意思係好硬？點會鞋？硬即係正宗口味」、「呢個牌子唔差，是正宗意大利粉」。