全盒糖果7大難吃零食！網民熱論 金元寳朱古力、利是糖上榜｜飲食熱話
全盒糖果7大最難食零食：金元寳朱古力、利是糖上榜
年又過年，大家除了細數在新年期間如何被姨媽姑姐蹂躪的慘痛經歷外，不少網友都會在網上分享新年吃過最難食的全盒糖果的童年陰影，最近有網民在「90年代回憶 (新版)」社團中分享童年最難食的糖及朱古力，「細個幾鍾意零食都好，有啲零食真係唔會掂，因為好驚啲假甜味道及質感」，貼堂零食包括有足球朱古力、金元寳朱古力、啫喱糖、利是糖、金幣朱古力及薄糖花生仁。帖文一出，隨即引來一眾擁有相同慘痛童年的網友紛紛回應，直指這些朱古力都是「紙皮味」、「部好似吃塑膠」、「有藥味又苦又臭」、「論難食，金幣、金元寶一定首選」。
全盒糖果1.利是糖
紅噹噹的利是糖夠晒應節是全盒必備的賀年糖果，雖然樓主表示自己覺得利是糖最難食，「利是糖難食到一個點，唔知以為含住粒臭丸」、「個樣好似蠶蛹咁」、「童年時個全盒只有利是糖，那時我發誓大個咗永不再食利是糖」，不過有不少網友表示在眾多難食賀年糖果中，「只有利是喺正常糖」、「味道有啲似牛奶糖 」，還有人認為只是「假利是糖難食，嘉頓嗰隻好食」。
全盒糖果2.金幣朱古力
新年講意頭，金幣朱古力「用魚網袋入住 ，有大中細不同size」，它也是全盒必備的糖果，方便一眾親友來「𢱑銀」。有網友表示「金幣朱古力間廠簡直搵笨，超難食」、「元寶同金幣都幾難食，尤其是當你食過好食既朱古力之後」，不過也有網民表示小時候無選擇「元寶同金幣朱古力食下食下又會食哂」。
全盒糖果3.水晶啫喱糖
以為彩色的水晶啫喱糖會深得小朋友歡心，怎也料不到它難食的程度會帶給大家心理陰影，「最憎果d雜嘜啫喱糖!又大舊又冇味..食落好似食緊舊肥豬肉」、「又硬，又唔香又唔甜，咬極都唔溶，咬兩啖直接吐左去算」、「仲要係成浸藥水味」、「全部好似吃塑膠」。
全盒糖果4.金元寶朱古力
又是假朱古力惹的禍，毒舌網民指「元寶形，先人嘢，一定唔食」、「如果屋企得翻佢，寧願做幾日乖寶寶唔食零食」、「紙皮味」、「元寶真係無一隻唔難食」、「論難食，金幣、金元寶一定首選」，不但味道及口感都讓人討厭，網民連包裝紙都要摒棄，「金元寶最難食，勁硬，咬到乳齒都就嚟甩，好難溶化，不知用什麼做的。 將金色嘅錫紙亦很難搣，搣到爛晒。舊朱古力入口嘅時候真係懷疑人生，點解要為咗咁難食嘅嘢做咁多功夫受罪。」
全盒糖果5.足球朱古力
入選的足球朱古力比起一面倒被嫌難食的金幣、元寳，多了一批支持者「曾經有食過足球朱古力入面好似麥提沙，個隻超正」、「足球朱古力，金幣朱古力，童年回憶＆冇得輸零食」、「足球波同利是糖都唔係咁難食姐」，不過仍然有人批評「朱古力真係唔多掂」、「呢款有時食到臭頭味」。
全盒糖果6.花街朱古力
意想不到花街朱古力也成了網友口中「狗也不吃」的難食零食之一，有人心理陰影面積達到「花街朱古力都好難食， 我大個唔飲酒都係因為佢」、「講起難食，有椰絲嗰款真係唔知佢想點」，不過也有網友表示「花街有幾款好食，其他都難食」。
全盒糖果7.糖冬瓜
要數到全盒內最不受小朋友歡迎的一定是糖冬瓜、糖冬瓜糖蓮子等傳統賀年糖果，不少人都指這些糖果到新年完結都吃不完， 「食唔晒，嫲嫲會將佢哋加埋年糕一齊煲糖水」，大家小時候又有無試過吃過糖冬瓜X年糕的糖水？
