同事Lunch食飯成日走數 打工仔出帖求助！網民獻計對付無賴同事｜飲食熱話

Lunch食飯同事常走數 出帖尋求網民獻計出招

同事們一起吃飯多數都是AA制，有時避免麻煩，就會找一位同事先付款，之後再逐一Payme那位同事。有網民最近在連登討論區分享了自己跟同事吃飯時，經常被逼做埋單那位，但同事們又經常拖數，甚至不找數，令事主感到很困擾，尋求網民協助！

事主分享形容每天跟同事們吃飯就像一場角力遊戲，到埋單一刻就會推推搪搪，誓不要做埋單那個，事主又面皮薄，不知如何拒絕，即使身上只有幾百蚊都唯有硬著頭皮先埋單，但每次埋完單將收據Send出來，都沒有人會即時找數，大部分人都會拖幾日，甚至個幾星期先找數，就連事主都忘記了，事主因此事感到相當困擾，「我真係分唔到係文化定我畀人恰緊？」

網民絕招1 自己帶飯！

事主發文後，網民們紛紛留言為事主提供建議！有網民建議事主下次可以自己帶飯，慳返筆飯錢之餘，又不用替同事埋單，事主都認為自己吃飯更自在，但公司習慣一大班人一起，如果不跟從感覺像自我孤立，不融入圏子。

網民絕招2 收齊錢先埋單！

另有網民建議可以在埋單前拎著張單，即場收齊數才出去埋單，又或者返到公司就開著Payme Code逐一行到同事位叫他們馬上找數，最重要是準備好找錢用的現金，就算同事只有$500紙都可以找到！如果當日收工還未收到錢就逐個WhatsApp講「飯錢$xx」，提醒同事又提醒自己。

網民絕招3 記得留收據！

網民又指，埋單後記得要拎單，在單上寫人名，紀錄低誰人已付款誰人未付，如果一星期後還未找數就在公司當眼處張貼大字報，列明未找數的同事，如果再不找數就直接貼在老闆房門口！不知道這些方法能否幫助事主好好解決同事不找數的問題呢！