食客幫襯KFC驚見葡撻仲大隻過炸雞怒轟：我一路食一路喊呀！

Dec 8 2023

食物份量縮水時常發生，不少人都對此見怪不怪！但最近有港人於連登討論區以「香港KFC你會唔會太過分」為題開帖投訴KFC炸雞份量縮水。從圖片可以見到炸雞size與以往相比小了不少，甚至比葡撻更小，令他忍不住狠批：「呢隻係雞上髀，香港KFC你會唔會太冇羞恥心」、「葡撻大過你隻雞上髀」。

食客幫襯KFC驚見葡撻仲大隻過炸雞

事主無奈大呻自己邊吃邊後悔，更對炸雞的味道表示失望，更投訴該隻炸雞是上髀，因此很乾很難吃：「乾過撒哈拉沙漠啊」、「真係乾過雞胸唔係講笑，難食到笑咗」。該隻上髀為事主帶來不少衝擊，事主多次大呻：「我係要雞上髀唔係鵪鶉上髀呀頂」、「我一路食一路喊呀」，從事主的字裡行間都可感受到事主的憤怒及無奈。

份量震驚網民！

網民紛紛狠批KFC份量愈來愈縮水，而且味道都大不如前，「隻雞又辛苦，食嗰個又辛苦，真係好無謂」、「食kfc都有要求」、「香港KFC無論係咩部位都係又鞋又乾」、「買葡撻送雞上髀」、「難食唔係第一日啦」、「個葡撻咁大舊」。

網民激辯呢間最好味！

有網民更從味道、價錢、大小方面比併香港3間連鎖快餐店，分別是KFC、麥當勞以及Jollibee。味道方面，網民就力讚KFC味道一流，外脆內嫩；價錢方面同樣是由KFC領先，網民讚賞KFC不時都會推出優惠，非常抵食；而size方面則是由Jollibee領先，網民力讚Jollibee炸雞份量大，因此建議事主可以多付少少錢吃Jollibee，「比貴d食快樂bee 好過」、「jollibee好食好多」、「Jollibee 真係正」、「每隻都有咁上下大細」。