瑜伽褲人妻炫耀海景公屋現眼報　房署署長出聲調查踢爆大話　網民：惡夢來了

房署署長再提瑜伽褲人妻個案：一定追查下去！

今（30日），房屋署署長羅淑佩再於電台節目就「公屋瑜伽褲人妻」事件補充，指局方追查相關個案時發現，「原來（間屋）係佢嘅老爺奶奶嘅嗰個地方嚟，嗰條邨亦唔係有嗰個單位」。即使「瑜伽褲港媽」其後拍片自稱是所有內容都是劇本，希望撇清關係時，羅淑佩強調會繼續追查下去，「點知你會唔會連呢樣都呃我」。網民再乘勝狙擊，指「無加名唔可以住㗎喎，呢樣有無查」、「究竟佢老爺奶奶仲有無住嗰間屋，分分鐘租咗出去，兩個返咗大陸住」、「呢個署長要做場好戲畀大家睇！」、「抖音仲有好多個案，全部都要行動」！

房署署長踢爆瑜伽褲人妻講大話　說話無一句係真話！

網上不時有人自稱住超豪華公屋，其後又被踢爆內地有資產，令一眾港人嬲爆指「一定要篤灰」！然而，直到近日，房署高調打擊公屋富戶，指若然公屋戶在內地或境外持有資產亦需要向署方申報，超過上限都會作出行動。早前曾收到舉報，局方即向內地省巿相關單位求證，發現涉事戶主同時擁有內地商舖及住宅單位，已向其發出搬遷通知書。而房屋署署長羅淑佩昨日更公開表示，留意到網上瑜伽婦人妻住公屋的片段，但署長指「嗰個屋苑無600呎單位」，而當局事後查問單位戶主，踢爆該影片中的女子並非住戶，拍片目的只為炫富，所有事都是造假。她續指「就連話深圳有樓都唔係真」，局方會繼續調查有關個案」。

同時，羅淑佩指房署已派員監察小紅書、Carousell、Airbnb等網上平台，當發現有人懷疑濫用公屋，局方會跟進個案並用「放蛇」行動調查。而早前亦曾發現有公屋戶在Carousell出租單位，經局方「放蛇」證實後，已於今年9月底向戶主發出遷出通知書。為了加強舉報制度，羅淑佩稱擬參考好市民獎，向報料市民提供誘因，如給予獎狀或獎金，「有人對濫用公屋恨之入骨」。

網民：新移民惡夢終於嚟！

不少網民看到消息後，大感興奮，指「呢個署長真係做到啲嘢」、「房屋署肯做嘢，起晒地址樓層單位又點話」、「新移民惡夢終於嚟，以為上面有幾多錢都無人理，落嚟霸公屋，今次仲唔嗱嗱臨走」、「以後係咪唔使睇到呢啲造假公屋訪問片，無人夠膽上鏡講啦掛」、「其實今次真係網民做到嘢，成功逼到政府無得唔理」、「呢個瑜伽褲人妻認咗來拍呢啲濕X廣告，身份證都無張，啲人鬧X佢黑工」、「Ian要抱抱署長啦，終於做到嘢」、「捉X晒啲濫用公屋內地人就啱，打尖打得咁開心，有錢就去租樓，無錢就唔好落嚟」、「Ian粉絲做到嘢，呢啲訪問片真係GG了」。

「瑜伽褲人妻」原來是演員 爆出真相：「爛大街劇本廣告」

爆紅「瑜伽褲人妻」上次介紹完自己海景公屋後，隨即被內地網民翻查身世，揭穿人妻原來是一位內地模特兒、演員，住在廣東，小有名氣於抖音，擁368.2K粉絲，間中更會會接廣告拍。近日她拍片自爆真相，慨嘆自己於內地拍了幾年廣告都不溫不火，豈料一來香港拍了一條「爛大街劇本廣告」就爆紅，佢形容簡直無語。她自豪地稱如果自己願意開香港社交軟件，簡直可以「妥妥地吸一波粉」，可惜她是內地人，拿著通行證生活，每次來港都非常麻煩，無奈自己「接不住這個破天的富貴」。

內地網民留言：流量密碼－「公屋」

網民留言指找到流量密碼為「公屋」和「身材」。又有網民留言叫辣人妻交還公屋，提醒辣人妻「好似有人已經告咗畀房署，好快有人嚟收樓」，惟辣人妻即回覆：「哈哈哈，找到火的真正原因了」。另外，又有網民叫人妻開Instagram帳戶，指香港人主要用Instagram，不過人妻一口拒絕，表示「不想玩香港社交軟件」。

香港網民質疑真相：驚人搞到你冇咗間屋

雖然辣人妻自爆真相，但不少網民都不解到底為何要拍這樣的廣告，指「拍廣告？咩人會俾錢佢拍公屋廣告」、「內地模特兒及演員扮幸福公屋人妻？咩玩法」、「點解公屋可以用嚟拍廣告？」、「通行證係拎嚟香港拍廣告？」、「嚟香港工作有冇簽工作證先」、「信你至奇囉，驚人搞到你冇咗間屋，無所不用其極」、「有理無理，收返間屋先」、「你講完仲大鑊」、「拎緊宇宙通行證啊」。