Sue Chang自爆2度隆鼻失敗好崩潰　豪花巨費仍然篤穿鼻　網民：你已經好靚！

影片中Sue Chang詳細分享兩次整容經歷，第一次隆鼻發生在2015年3月，當時她在韓國進行「矽膠加耳軟骨隆鼻」手術，不過術後鼻樑突然生水泡，就算用針刺穿仍然沒有幫助。手術結束近半年後，在一次覆診中醫生指出身體與假體出現排斥反應，當中的一句說話令Sue Chang久久不能平靜：「佢話覺得我呢個case失敗咗，佢話要即刻攞返個假體出嚟。」最後她就聽從醫生建議取出假體，不過鼻樑就留下永久疤痕，明顯見到有凹陷位，甚至一度歪鼻，Sue Chang坦言曾經整容失敗而爆喊：「我嗰一刻就係度諗，我係咪為毀容呢？」

取出假體後的Sue Chang，鼻子僅留下耳軟骨，不過時隔一年後因為要準備結婚，貪靚的她就開始走上打針微調的道路，而為了保持鼻樑的立體感，在2016年到2022年期間打過三次針保持形狀。不過Sue Chang認為打針微調後的鼻子確實變得立體，不過仍然比不上整容的效果，因此萌生二次重建念頭：「我又唔記得咗當時失敗經歷，我反而係安慰自己如果術後護理做得好，應該冇事嘅， 同埋都事隔7年咁耐啦，我入面嘅傷口都痊癒啦！」

2022年12月再度花5萬元隆鼻

於是，Sue Chang於2022年12月在香港的整容醫院進行第二次重建手術，當時醫生坦言第二次的隆鼻手術會比較複雜，不過Sue Chang就下定決心，最後花費逾共5萬元。術後反應確實比第一次好，而且線條開始變得自然，令她以為這次手術相當成功。豈料，有一天Sue Chang發現位於左邊鼻孔的傷口有硬物出現，覆診時醫生就說到：「我諗你要攞返個假體出嚟，呢個係假體穿咗嘅硬物。」令她不禁心想：「唔X係呀？」隆鼻手術再度失敗令她心情失落，出現各種焦慮的想法：「死啦，係咪會變成好似Michael Jackson咁。」，而最後她都接受醫生建議取出假體。

Sue Chang坦然取出假體後「一身都輕鬆晒」：「攞完個假體出嚟個感覺係好舒服，入面冇咗個異物感，亦都唔使再驚小朋友撞到我個鼻，神經又開始冇咁痛，真係好神奇！入面冇咗個假體之後，個鼻即刻冇事囉，心情都好返晒」剖白整容血淚史後，她更講述對隆鼻的想法有改變：「我知道我係個想到就要做嘅人，未去到失敗我都唔會認命，我而家認命」，與此同時更告誡觀眾：「大家唔好隆鼻，唔好掂呢樣嘢！」

網民：你內在美都已足夠

網民看到分享後紛紛留言讚Sue好勇敢，向公眾坦白自己整容經過，指「Sue好勇敢坦白！接受不完美的自己」、「喜歡sue這句話：美貌沒有天花板，自卑確是深淵」、「係佩服你現時嘅名度去分享返你嘅過去，好坦蕩講出自己嘅心酸」、「你的真性情才是最美，不要和自己作對了」、「你已經很完美，你內在美都已足夠，不要勉強自己」、「睇完真係畀你驚嚇到，好可怕」。