After You新推士多啤梨味Milk bun 泰國年售120萬！夢幻粉紅超打卡
廣告
泰國過江甜品店After You Dessert，早前推出泰國年賣120萬盒的經典牛奶味milk bun（牛奶軟麵包）後，反應相當熱烈，今次再度引入士多啤梨味，外形夢幻粉紅色，軟包雪凍後，口感依然鬆軟，啖啖士多啤梨忌廉香，甜品控必試！
香港After You新推士多啤梨味Milk bun！
香港After You首度引入士多啤梨味（$60盒，一盒有6件），賣相粉紅色，軟包雪凍後，口感鬆軟，即日起於灣仔店及啟德店正式發售，記者更收到風12月會推出牛油味milk bun，非常之期待！
味道：
泰國After You熱賣嘅milk bun，年售達120萬盒，士多啤梨口味賣相粉紅，建議雪凍後解凍5分鐘食，口感更鬆軟，士多啤梨忌廉餡多足料，香滑輕盈，甜甜哋有果香味，食落軟綿綿，又有麵包嘅咬口，唔錯！
價格：
$60盒，一盒有6件，平均$10件，價錢稍貴，但味道和口感整體都不錯，食落都好飽肚，賣相粉紅好打卡，在泰國經常賣斷貨，而家慳咗機票錢，都值得一試！
評分：4/5
泰國After You 年賣120萬盒的milk bun，在當地非常之紅，香港店首度引入士多啤梨味，外形夢幻粉紅色，軟包雪凍後，口感依然鬆軟，啖啖士多啤梨忌廉香，甜品控要試！
《新假期早前報道》
After You爭崩頭新品經典牛奶味milk bun
泰國年售120萬盒！香港人會喜歡嗎？
餐廳：After You Dessert Café
地址：灣仔皇后大道東200號利東街G24-25號舖
地址：九龍城啟德協調道2號AIRSIDE G樓G005號舖
IG按此
關鍵詞
新品速遞
圖片來源：Facebook@weekendweekly
