生酮飲食造美人 ! 3個月激減11KG 踢走肥肉真人大改造＠Zoesportdiary專欄｜好生活百科

好生活百科

新假期

Jun 23 2021

生酮飲食造美人 ! ViuTV另類選美節目《造美人》的12強參賽者，要接受為期3個月大改造，不單要飲食調校及身體塑形訓練，亦透過冷凍溶脂、注射方法等進行改造。在另一邊箱，有一班人選擇了用3個月大改造，利用顛覆常人的飲食方法，脫胎換骨！

撰文、圖片、資料來源：Zoesportdiary

生酮飲食造美人 3個月Keto踢走肥肉

一直努力推廣生酮飲食，已有無數人改造成功。以下幾位參加者沒有P圖，她們選擇了 “KETO”去改變人生，在現實生活中活出更健康的自己，還勇敢走出來分享鼓勵大家！

1. 做飲食業Kasey 3個月勁減10KG

匿稱：Kasey
職業：飲食
有否運動：沒有
加入原因：要做姊妹，要影婚紗相
參加者親身分享：「本來純粹想快快減完做完姊妹就算，3個月後卻變成想一直繼續生酮。原因係我的坐骨神經同尿酸問題有明顯改善，3個月前完全唔食得嘅野，宜家食完都冇再唔舒服。Keto對減輕炎症、痛症嘅效果其實都好好，最少我依家冇乜再點m痛，腰痛都好少!」

在3個月內成功減去10.1KG、肌肉下降了2.1KG、脂肪下降了5.1KG（圖片來源：Zoesportdiary）

「終於3個月，做姊妹嘅過程亦完美落幕，睇返啲相，終於似返個人唔似豬咁行出嚟，以前我唔知乜係keto，都成日問人得唔得架食肉唔食飯？斷食唔會餓咩？我係用過n種方法減肥嘅女人，我可以好自豪咁答，keto減重係好work！」

着上姐妹裙，鬆動不少，沒有了很多一摺摺！（圖片來源：Zoesportdiary）

2. 貪靚女生Banana 53.3 kg減到48.3 kg

匿稱：Banana
職業：Sales & Marketing
有否運動：無
加入原因：睇到自己肥咗好多，想減肥，減肚腩
參加者親身分享：「因為貪靚，所以想瘦！之前試過食藥減肥/食肉減肥/每日淨食菜減肥，減重過程非常辛苦，頭暈，全身冇力，冇精神。由於不能再繼續忍受長期淨食菜，開始暴食，結果體重立即反彈。

只用了4星期，體重下降了2.8KG、肌肉增加豫1.5KG、脂肪下降了2.6KG（圖片來源：Zoesportdiary）

直至認識生酮飲食，減重過程仲要食得飽又可以瘦！簡直係夢寐以求！在最初6星期，我已經由53.3 kg減到48.3 kg！現在回想起以前咁辛苦減肥，行左勁多歪路，真係覺得自己有啲蠢！如果早啲認識生酮飲食，咁我就可以就可以行少啲冤枉路～想減肥嘅酮學仔你哋都要加油！」

3. YAN2個月輕鬆減咗6kg

匿稱：YAN
職業: 秘書
有否運動: 生酮後沒有
加入原因:做姊妹想瘦啲
參加者親身分享：「2年前為著bikini由70kg 減到52kg, 行低碳加4日重訓2日yoga，但其實個肚仔唔太減到。之後疫情，我就真心懶到重番去61kg，之後以為自己好易減得番啦⋯⋯點知又斷食又節食都減唔到，仲要餓到手腳好凍。最後又食酵素，又食藥都唔太減到，好彩遇到生酮計劃，見到好多參加者唔做運動都已經減到！」

體重下降了3.4KG、肌肉增加了1KG、脂肪下降了1.3KG（圖片來源：Zoesportdiary）

「本來覺得生酮好易，就自己試下，點知飲油飲到想嘔，所以逼住參加呢個計劃搵幫手，睇完餐單才知道自己用錯方法。結果我好輕鬆地2個月減左4-6kg！仲要減埋個腰同肚，之前啲半摺裙呀⋯褲呀….高腰變低腰！生酮導師話減肥最緊要開心，放心食，唔洗戒口戒到守行為咁」

4. 為結婚減掉6.4KG著返中碼衫

匿稱：Kay
職業：無業遊民
有否運動：一星期兩次瑜伽
加入原因：想瘦瘦去結婚擺酒（最主要係擺酒當晚啲相冇得執）
參加者親身分享：「由細到大都係肥妹。從小學4年班開始未著過中碼衫，唔係講笑！人地發育長高嘅時間我就發福長高，所以我好細個就學人減肥，減肥可以話係我人生未停過：乜嘢韓國醫院嘅減肥藥、酵素減肥、減食、鄭多燕健康舞、美容院做減肥儀器、打消脂針…等等全部試過。係呀..磅數係跌呀，但人好冇精神，脾氣暴躁、注意力唔集中、抑鬱、心跳、失眠，好快你一個唔覺意就重返，又或者再比之前再重多幾kg。

體重下降了6.4KG、肌肉增加了0.2KG、脂肪下降了4.2KG（圖片來源：Zoesportdiary）

加上我男朋友從來都唔要我減肥（冇錯你冇睇錯.佢係唔要我減肥.唔係唔洗）而且身邊嘅朋友都話你肥得黎好可愛呀，行可愛路線唔洗減啦blablabla～慢慢我開始放棄並接受自己哩世都係要買加大碼嘅肥妹⋯⋯

直到我開始搞結婚去試婚紗，我係度諗一生人結婚一次，淨返幾個月時間係咪應該比一次機會自己呢？正當我有哩個念頭嘅時候好好彩比我遇到生酮教練。參加計劃後係導師幫助下我生酮嘅道路冇乜行冤枉路，亦都冇其他人所稱嘅酮流感同甩頭髮！三個月時間之後，我由加大碼去到中碼..係超級超級驚喜！真係好開心，試想下你每日都係食飽飽，但都可以瘦係一件好神奇嘅事！」

5. 烘焙師激減11.6KG

匿稱：lynn
職業：烘焙師
有否運動：初期冇做運動，2021年3月左右開始重訓
加入原因：想健康啲睇到不一樣的自己

體重下降了11.6KG、肌肉下降了0.8KG、脂肪下降了6.8KG（圖片來源：Zoesportdiary）

參加者親身分享：「最開心是不只是跌得好最緊要是健康和開心，2020年參加了生酮計劃，真是令我開心好多更加自信咗，每次見完面都好開心！（因為某些原因離港一個，但是在隔離期間我的生酮教練都有keep住WhatsApp我督促我生酮令我可以一直落磅）真心希望以後一起繼續keto一起keep！如果你要問我值不值得？我一定會話比你知一定值得，因為keto不是為咗邊個，是為自己，Love myself更重要！」