扣稅延期年金解構！年金只賺不賠、冇管理費？專家分析：並非人人適合！@放飯ForFun專欄｜好生活百科
廣告
延期年金解構！香港政府一口氣推出扣稅「三寶」，分別係，自願醫保、可扣稅延期年金、強積金自願性供款。政府係以稅務優惠，希望市民及早為自己既保障同退休作好安排。經過一年半的時間，自願醫保就聽得多，但延期年金又係咩來呢?
撰文：彪 @ 放飯 ForFun｜圖片：錢家有道、自願醫保計劃、香港電台
扣稅延期年金是甚麼？
首先要理解年金定位，年金係介乎於保險儲蓄計劃同強積金之間。客戶繳交年金費予保險公司，保險公司攞去投資，然後於年金期將總回報派發予客戶。年金背後運作模式同儲蓄計劃十分相似，有「保證」同「非保證」兩部份。但攞錢方式就似強積金，年金只會係年金期派發，客戶不能夠自由提取年金。
年金穩賺不賠？
上面講過年金係介乎於儲蓄計劃同強積金之間，咁係唔係保證賺？又有冇「管理費」? 係政府的監管下，年金期滿時必然為正回報。但如果係提早退保的話，客戶很大機會蒙受損失，損失程度要視乎不同公司既計劃。年金沒有任何管理費，所以不需要擔心回報被蠶食。
延期年金確能扣稅？
買咗年金就可以扣稅？點解有時會聽到 agent 問「你本身洗唔洗交稅先？」。答案當然是 100% 可以，但係咁樣答未夠全面！因為年金的扣稅方式並非減少「應繳稅款」，而是增加「免稅額」。已購買年金的客戶，「免稅額」必定增加。但係對於本身唔需要納稅的客戶，再多「免稅額」依然對荷包冇得益。
善用稅款計算一年交少幾千蚊稅！
對於要納稅既客戶，最重要就係扣到幾多稅。筆者嘗試簡單以例子說明，而使用稅務局的稅款計算機就最準確。
對於年薪 HK$300,000 的單身人士所言，未有延期年金供款前的應繳課稅為 $11,520。在有每年 HK$20,000 的延期年金下，每年只需繳交 HK$8,800薪俸稅！相對每年交少HK$2,700，退休時更可取回一大筆年金！
當然，如果想了解更多，歡迎聯絡我們或你的理財顧問！
Facebook專頁「放飯ForFun」 成員之一。身為金融理財顧問，我們玩得，同時又對品味有無比執著。做人做事，不論行步路定理財，我們都堅持「做人最緊要搞笑得嚟又有品味」。
撰文：彪@ 放飯 ForFun｜圖片：錢家有道、自願醫保計劃、香港電台
