女朋友相約迪士尼樂園提出一特別要求 港男大呻：我接受唔到！ ｜玩樂熱話
廣告
男女朋友之間要保持新鮮感，少不了一起製造浪漫回憶，令感情繼續升溫，但若果雙方標準不一致，可能弄巧反拙，成為鬧交嘅原因。近日就有人於網上公開訴苦，話女朋友成日叫佢去迪士尼玩，更提出下次一齊着住校服去，可以重溫青蔥歲月，但樓主接受唔到自己成年人仲着住中學生校服出街，覺得好尷尬，令到女朋友嬲豬，覺得自己男朋友一啲都唔浪漫！
女朋友相約迪士尼樂園提出一特別要求 港男大呻：我接受唔到！
最近於Dcard討論區中「港澳感情事」專欄中有網民留言指女朋友日日都叫佢入迪士尼，本身有年票陪佢去玩無問題，但點知女朋友突然提議下次入去還是一齊着校服，覺得咁樣好青春，但樓主覺得自己已經23歲，接受唔到咁大個人仲着住套中學校服入迪士尼玩，面對呢個心理關口女朋友不理解不特止，仲發晦氣話佢唔浪漫。
網民安慰港男！
好多網民安慰樓主，其實嘗試轉換心態，未嘗唔係一個好嘅經驗，仲可以彌補一下中學時期嘅遺憾。亦有人提議可以帶件校服入去玩，出嚟先再換返便服，再加上其實而家人人都要戴口罩，就算撞到熟人都未必認得出。亦有網民指出主題樂園本來就係脫離現實嘅一個夢幻國度，就算奇裝異服亦都不會突兀，更何況只係中學校服。
網民表示聽完之後好想試 提議組校服團？
有網民就話後悔中學時期冇拍過拖，突然好想叫男朋友着返套校服一齊出街；亦有網民話曾經叫朋友一齊着返套校服入迪士尼，估唔到當時18歲嘅佢哋竟然無人答應，令佢覺得好唔開心，其他網民竟然紛紛舉手表示可以陪佢去，實行組校服團咁話！亦有一部份網民覺得樓主如果真係覺得接受唔到，無需要遷就其他人口味，應該堅持自己底線，反而覺得其他勸喻樓主受女朋友要求嘅網民好奇怪！
資料來源按此
呢位網民有咩咁為難？
女朋友忽發奇想，提議一齊着校服入迪士尼…詳情
網民點睇？
着校服入迪士尼玩，其實可以重溫當年青春歲月…詳情
撰文：KW圖片來源：FB@香港迪士尼樂園, Dcard討論區，《因為愛》劇照,《愛你的時間》劇照
