西客怒斥淘寶集運公司呃秤騙運費 重量計多成倍！客服霸氣終止服務！

港女怒插淘寶集運公司呃秤騙運費！

最近在網上討論區中，有網民貼出數張客戶與集運公司的對話截圖，內容大意是指有網民在淘寶網購買貨物之後，請集運公司幫忙將貨物集運到港。而貨物的重量約為6KG，運費合共$52，扣除積分後實付$42。不過該位客戶就對集運公司的運費不滿，因為他自行用磅將貨件重新磅一次，發現重量只得3.12KG，疑似被集運公司的重量數字少近一半，變相欺騙運費。

客服霸氣：唔再做你生意

為此集運公司向客戶解釋，客戶所用的磅在五年前已經停產，直指「你呢部超級舊嘅磅已經幫你特登問咗生產商，每一個磅的精準度不一」、「我哋貨倉每件貨由0.2起，如果每件量度台頭機會好準」、「我哋唔係包好咗再量度，係一種每件量好咗就把包寄走」。

不過客戶就不太相信客服的說法，表示「我後日再搵第二個磅睇吓」，不過客服就霸氣回應「唔使啦，不如咁呀，我哋傳單免費畀你，不過會將你個帳戶終止服務，因為見到你有多次嘅不信任，我哋都唔希望有繼續大家爭論落去或者誤會」、「既然你咁介意我哋都冇辦法」、「只能夠將你畀咗嘅費用全數退翻，但以後都不能夠在使用我哋，你所有嘅貨，麻煩搵其他公司過嚟接收返，我哋唔會再幫你轉運來香港」。

網民：個客服算客氣！

帖子就此結束，也沒有公開該位客戶最終的處理方法，未知是自己尋找其他集運公司運送到港，還是其他的處理方法。但對於雙方的爭論，網民就表示雙方都有道理，有網民就力撐集運公司「見到間公司已經散件磅，唔似有心呃」、「唔想做個客生意有乜問題？」、「呢個客服好客氣」，更稱該位客戶十分小器，連「幾廿蚊運費拎個磅去磅」。

有網民揭呃秤內幕！

不過也有人支持客戶據理力爭的做法，表示「集運公司幾廿蚊都呃，個個都呃幾10 佢咪好好賺」、「張圖連盒磅都係3點幾kg，但集運就話佢6kg，離譜咗」。亦有表示知道呃秤內幕的網民留言，表示「其實呢啲集運係會呃秤，特別係你件貨好輕既時候，你諗下就知，當你0.1 kg一件貨，佢要幫你收10次貨，入10次倉，打包果時又要執10次，最後先收得你1kg錢，佢實會將個成本射返個你到」，更大爆「我用過好多間集運，呢間算呃得多，尤其我上次集好多輕過0.1kg嘅嘢，佢磅出黎全部重過0.2kg」。不過到底真相如何，各位就自行定奪了。

原帖連結：按此