港人荃灣酒店Staycation遇3大靈異事件！事主半夜嚇到面青 ｜玩樂熱話

荃灣某酒店Staycation遇3大靈異事件！
事主半夜嚇到面青 網民猜測：係咪呢兩間

Staycation是自疫情以來熱門的本地度假活動，享受酒店的各種設施以達到放鬆身心靈的效果，但如果去完Staycation得唔到放鬆，反而嚇餐死，你又點睇？事主在Facebook專頁「巴打絲打11鬼故台」上投稿，指近年Staycation大行其道，所以自己周不時都會與朋友去Staycation，但就被以下的一間酒店的經歷嚇到不敢再去！

事主指該酒店位於荃灣，在剛入房時，第一眼已覺得光線不足，感覺有些許陰沉。在枕頭上也發現了很多的頭髮絲，當下覺得酒店的清潔做得不太好，雖本身打算轉房，但就被同行好友以不想郁為由拒絕，最終沒有轉房。

原以為事情就如此結束，但直到事主晚上睡覺時，發覺「廁所係咁有沖廁聲」，頻密程度更使他「懷疑我個fd係唔係腎虧」，但當他望向隔離床時，發現朋友正在睡覺，於是心想「咁邊到嚟嘅沖廁聲？」事主更因此陷入恐懼，突然之間事主感覺到全身被壓住，身體動彈不得，後來嚇得他「將以前學校學過嘅道德經、聖經節錄都唸埋」，最終才無事。朋友第二日起床看事主面青青，便問他是否不舒服，以為是他昨晚不斷去廁所，更說聽到廁所有沖廁聲，但最終事主沒有說出是「第三位住客」使用廁所的真相。

網民看帖就猜測是荃灣的兩大鬧鬼酒店，化名「甜甜」和「熊貓」。網民指出這兩間酒店已算是相當知名，也有不少人分享住以上兩間酒店時的鬧鬼經歷，「呀飄」除了在房間外，還會周不時玩電梯，連有網民路過酒店附近都感到不太對勁，不過呢啲嘢，信則有不信則無啦！

原文連結：按此