荃灣私家車逆線惹熱議 超闊馬路掉唔到頭！網民錯重點大鬧拍片者＋個牌點考
廣告
香港地考車牌易唔易？相信不同人都有不同答案，再加上考試路線的難度對於合格與否都有影響，加上路面情況不同，不可否認除了實力以外，其實某部分都係靠運氣！近日一名P牌司機在荃灣西樓角路逆線惹爭議，影片被網民瘋傳，仲被質疑車牌「到底是如何考返嚟」，到底發生咩事？
荃灣私家車逆線惹熱議 超闊馬路都掉唔到頭！
網民質疑淘寶牌＋錯重點大鬧拍片者
近日在多個Facebook群組上都流傳著一段影片及相片，一名駕駛黑色私家車的P牌男司機在荃灣附近行駛，駛至荃灣西樓角路時，因天雨路滑在轉彎時自炒，幸無傷及路人，惟車輛剷上行人路碰及欄杆，並呈逆線行車之狀，於是被網民拍下並上傳至Facebook群組「車cam L（香港群組）」。
但事件並未就此完結，後來有人上傳一段影片，片中為同一輛黑色私家車，該輛私家車在逆線的情況下掉頭，該路段為雙行車線，理應可以輕鬆3手掉頭，但該位P牌司機卻用了整整一分鐘，接近10手才成功掉頭，情況令人擔憂。
對於P牌司機的行為，網民就認為個車牌「都唔知點考返嚟」、「飲醉咗都做唔到」、「肯定淘寶批個牌比佢喇」，有人更在Facebook Tag 運輸署要求交代！不過部分網民就錯重點批評拍片人士「好嘈」、「唔知有乜好笑」、「把聲好惡頂」，皆因她們在觀看司機掉頭時多次大聲高呼及大笑。
事發位置在哪裡？
荃灣西樓角路，近新領域廣場…詳情
網民除了質疑車牌點考以外，還有什麼意見？
網民指拍片者非常嘈，因為…詳情
圖片來源：Facebook群組「車cam L（香港群組）」, Facebook群組「公務員secrets」
