與異性行山3大禁忌 小心踩地雷！港女警世：第一次約會唔好行山｜玩樂熱話

約異性3大行山禁忌 踩地雷直接扣到零分！

有一位女網友於Dcard討論區發文指，在交友App認識了一位異性，在網上傾了兩星期後發現自己和對方投契，所以決定約出來見面。而第一次見面，他們選擇了去行山，但在行山途中發生了一些事，令事主對對方好感度大跌。事主指：「無論係靚仔靚女定正常樣，唔該畀番少少尊重」，所以她就在網上告訴大家約異性行山要注意的地方。

1. 常常貼到好近

事主指，男方在行山途中常常貼近她，作為第一次見面的異性，不應靠太近、常在對方耳邊說話。事主：「靚仔都唔得啦！仲話自己慢熱。」

2.經常有意肢體接觸

行山時常常會遇上牛屎，或有機會有車子經過，女方多數都會看到。但事主指男方在行山途中，多次用手輕輕自己掃背提點。這些經常有意的肢體接觸令事主非常反感：「真係超級極度爆反感！起晒雞皮！」

3. 讓多點道路空間給彼此

事主發現，不論行路是闊是窄，男方都會愈行愈近，最後令到她沒有路行，被逼要踩在落葉上，令鞋子入沙入落葉。事主曾嘗試叫男方「畀多啲位我行」，但對方仍要迫近她：「最後都係打回原形，仲問我做咩入沙入落葉嘅？」

網民警世：第一次見就行山好危險

看完事主的經歷後，不少網民都指第一次見面不應選擇行山，因為實在太危險：「傻妹，我覺得第一次約點都要約啲多人嘅地方」、「一約就約行山，如果見面唔啱仲要對成日」。

而有其他網民分享了自己和異性見面的經歷：「試過同一個男性朋友出去join咗個workshop⋯⋯又拖我隻手⋯⋯又喺我差啲仆親之後企定定，就兩隻手攬實我⋯我真係起晒雞皮」、「唔鍾意身體接觸要出聲」、「之前第一次見都係行山，勁辛苦，行左唔知幾耐斜路佢用手推我背脊行⋯⋯最後做咗男朋友」。