迪士尼港女不滿中童坐BB車 無品偷拍兼公審！網民連番炮轟 結局大快人心

港女迪士尼不滿中童坐BB車
無品偷拍小朋友兼網上公審女童家人！反遭網友連番炮轟

日前，有位女網民在Facebook群組發文，表示最近在迪士尼樂園遊玩時，入夜時於美國小鎮大街看到一名粉紅色公主裙的女童坐在BB車上，她更拍下照片，稱女童大約7歲居然還要坐BB車，暗指女童嬌生慣養，疑公審女童的家人。

該位女網民偷拍女童及其家人的照片，並上載至Facebook群組，卻引來唔少網友的抨擊，大罵她無品及多事，「人哋又冇影響到你，點解你要影人呢？」、「關你咩事？又唔係你推，你理得人啫？」、「7歲玩到累坐吓BB車唔得咩，大人玩到累行到累都會搵地方坐低飲杯野啦」、「坐戰機都唔關你事」、「小朋友玩完攰好正常」。

帖文亦引來大批家長留言，表示帶小朋去出外玩一整天是十分累人的事，如果有BB車便可以讓小朋友在車上休息，稱「小朋友好難行足全日嘅，大人都攰啦」、「大人一陣半路眼瞓，又多野拎嘅時候，冇BB車真係想死」，「攰時都可以隨時比佢休息下，一陣間想訓都起碼唔洗抱」。最後，該名女網民疑抵受不住網友的炮轟，默默潛水未有回應。

如果在香港迪士尼租BB車，使用範圍有限制嗎？

-如租用僅在樂園內使用的嬰兒車，請前往美國小鎮大街市鎮會堂旁邊的懷舊消防局。

-賓客可將嬰兒車停泊在嬰兒車泊車區域。不可將嬰兒車帶上小鎮大街古董車及火車。在樂園內租用的嬰兒車只供樂園內使用。

-乘坐嬰兒車的小童的體重上限為27公斤（60磅）。