運輸署研年底增大美督＋荔枝窩＋鴨洲吉澳新渡輪航線！網民：單程都咁貴？

新街渡料年底啟航
途徑荔枝窩＋大美督＋鴨洲＋吉澳

隨著疫情放緩，不少人到了周末都會四出遊玩，而大美督係其中一個假日熱門郊遊勝地，不過嗰度一直都有個問題，就係只有一條陸路出入，到咗假日例牌會塞車，如果遇上交通意外，就更加係進退不得。早前根據沙田區議員鄭仲恒於社交網站公開資料顯示，運輸署正就大水坑渡輪服務進行諮詢，新航線打算由馬鞍山大水坑德信中學的位置開出，途經三門仔、大尾篤、荔枝窩、吉澳、 鴨洲等地。

據公開資料顯示，全新吐露港渡輪服務營運時間暫定於星期二及四（包括公眾假期），上午9時50分由大水坑開出，約下午5時返抵大水坑，搭完全程需時234分鐘。在大水坑、三門仔、大尾篤登船收費$140，在吉澳、鴨洲登船則需$80，大小同價。

網民：應該開埋星期六日公眾假期

網民對於新航線開設均表示歡迎，不過網民比較擔心的是票價比較高昂，假設來回荔枝窩票價一位便近三百元，非常不划算，而且航班營運時間只在星期二四的平日上，難以做到疏導人潮的作用，所以建議增設及假日航線。

新航線一日遊好去處

因應全新航線將在年底啟航，新假期為大家精選一日遊好去處，去玩都玩得開心啦！

大尾篤

大尾篤這個熱門的郊遊地點相信大家都非常熟悉，除了可以踩單車、BBQ燒烤外，登上水壩可以飽覽船灣淡水湖全景、八仙嶺和大日落，加上旁邊的龍尾灘上年才開放，去沙灘歎吓也不錯呢！

荔枝窩

荔枝窩位於新界東北部，是一條擁有400年歷史的客家村落，因盛產荔枝而得名，高峰時期曾有過千位村民居住，是昔日新界東北群村最富庶的鄉村之一，現在村落還保留211間村屋，其中更改建成的荔枝窩文化館，介紹村落的文化和歷史。

鴨洲吉澳

鴨洲與吉澳位於香港東北面印洲塘特別地區之內，是香港聯合國教科文組織世界地質公園裡的熱門景點。鴨洲以地質勝景聞名，亦有形似鴨眼的海蝕拱奇觀，吉澳最近則新設自然步道，可眺望全港最美麗的海灣之一印洲塘。