淘寶熱賣$0.5野生大象 賣家標明：下單等牠自己走過去！ ｜玩樂熱話
廣告
但近日有網民發現淘寶竟然有大象可以買？ 一隻野生大象竟然只需要$0.5，而且已經幾百人購買， 雖然大象仲未收到，但網民已經紛紛好評，到底發生咩事？
淘寶熱賣野生大象？淘隻大象都係$0.5
幾百人已買！網民笑爆：買水吹幾過癮
最近疫情嚴重，不少人都選擇留在家中居家抗疫，到各大網購平台睇睇有咩要買已是每日行程。近日有網民在Facebook上分享，淘寶正在熱銷「野生大象」，售價為$0.5人民幣（即大約$0.6港幣），仲標榜購買後野生大象會自己走上門！
不過在「野生大象」熱銷幾百隻後， 不少賣家聞到「大象市場」有價有市， 紛紛加入競爭， 現時野生大象價格已經升到人民幣$1隻，野生小象更要價人民幣$1.99，買大象都有炒價！
結局超爆笑！
雖然明眼人都知唔會收到貨， 但已經超過幾百人俾咗錢買「野生大象」。 雖然未收到貨（應該一世都唔會收到），但網民就好Buy賣家嘅創意， 加上客服對答盞鬼，網民都話五毫子買水吹都非常抵「淨係畀錢聽佢對答都抵返」、「緣分到既時候自然會收到」、「$0.5買攪笑對話」、「想買返隻放公司」。
賣家疑似已下架，淘寶只找到一、兩個店家有賣
不過現時發現賣家疑似已下架，淘寶只找到一、兩個店家有賣，不過銷售額幾乎是零，睇嚟大家已經發現到最後是不可能收到貨的真相。
淘寶正在熱賣什麼？
野生大象！只賣$0.5！
大象要如何運送？
不用運送，傳聞大象會自己走上門！
圖片來源：Facebook截圖、淘寶截圖
