40歲IT男月入6萬突被炒魷　打工11年只被公司當成一堆數字　網民竟讚好榜樣

精簡架構為由 做咗11年被炒

事主以「一間公司做左（咗）11年，今日俾佢炒左（咗）」及「17歲出黎（嚟）做野，做左（咗）23年，前日岩岩（啱啱）失業」為題發帖，表示本來從事廣播工程，涉及電腦及媒體工作。

中五會考只有3分就一早出去做野（嘢），一做就23年，期間讀返個creative media degree」最後一份工為一家美國公司，由低起到技術支援經理 (Solution & Tech Manager)做了11年，因公司要精簡架構，所以被炒。

「公司只當我哋係一堆數字」

事主被解僱前，月薪達6萬。他表示自己雖被炒但沒有唔開心，因為幸好有長期服務金及公司沒有以MPF對沖。加上本身對公司「冇乜感情」，反而對同事感不捨。事主：「會諗返同D同事嘅回憶，諗起尋日佢地（哋）知道呢個消息時個樣仲down 過我」

他表示自己「第一日返工已經見到公司可以一次過炒一個部門，跟手每年都炒兩三個都知公司只當我地（哋）係一堆數字，反而同事間好close 因為一齊出site 做野（嘢）乜都傾，同堆（埋）我team 人個個都好幫手唔會推莊」

人到中年被炒 同事愈見愈少

有網民指其實事主的公司都算有人情味，因為沒有以MPF對沖其長期服務金，而且過完年先炒他。

人到中年被炒，事主也會擔心前景，因為都有負擔，「我份工又唔算文職，不過行頭窄，不過做個行厭個行，好想試下創業轉行。」當被網民問到有否後悔入錯行時，他指自己冇後悔。而且被炒也沒驚訝，因為「當你發現身邊同事一個一個少，就唔會驚訝，我個team 全盛時有12個人，到左（咗）今日走埋我，得返3個人。」

入職underpaid都繼續捱！

事主今年剛好40，他指自己一直都沒計較過人工，當年一入職都是underpaid。但他心態係「做到就做」，因為深明自己不是「專才高人一等」，就算是其他人眼中的「豬頭骨，蝕底野，只要我做到都會做」。他表示：「對住鬼佬從不擦鞋，講得出做得到，唔會為啖氣，或者為嘈而嘈」。

好難搵番一樣人工 老婆變番打工仔

他指現時是租樓，「有d 積蓄頂到半年」，並表示深明自己現在已經很難搵返以前的人工，所以若搵到工減人工都會照做。而暫時首要是先休息兩星期，然後再作打算。他指妻子本來是護士，但因當年有產後抑鬱，所以已有5、6年沒再工作，他說已與太太討論她重回工作崗位的可能性，但不想感壓力而出去工作。

當年會考只得3分 再進修先做到IT！

事主又指自己當年中五會考只得3分，無任何技能只比較熟悉電腦，因當年好想做Designer，所以去學Photoshop 排版。但做了一年Designer後就開始感工作沉悶，由於不想再做平面設計，而想做網站相關工作，所以裸辭。卻因幾個月都找不到工作，所以再進修電腦相關課程。再經朋友介紹正式入IT行業。

誤打誤撞入行

在誤打誤撞的情況下，就去了一家做broadcast video project的公司工作。他當時「傻下傻下話試下，個時英文又唔識，佢俾成100mb pdf manuals 我睇，個（嗰）一年一邊查字典一邊睇，慘過考會考⋯⋯」

「一做就做左7年，每日朝9晚10，（其實晚六，但我乜都要由頭學所以留係公司睇同試到10點11點先走） 最後因為d客鍾意同我傾，招試殺身之禍，之後就走左去做video editor9個月，又俾依家呢間公司搵到，又係經人介紹所以入左⋯⋯」這就是事主的入行經過。

網民大讚正能量

事主表示積極，且不介意分析自己入行經過，在工作中所遇過的挑戰及工作問題。字裡行間充滿正能量，當網民分享自己對前景不安時，更反過來安慰。

網民看過事主的故事後都大讚他「處事能力高，肯學肯做絕對係好上司好下屬，仲係好爸爸，好多正面思想，做到個好榜樣」，又話「難得喺連登睇到啲咁正面咁勵志嘅故事」。