情侶錦上路露營車遇靈異事件 勁心寒！傾偈期間有嘢飄過嚟 一講鬼故即撞嘢？ 網民：嗰度不嬲猛！｜玩樂熱話

情侶露營車旁傾偈忽然有嘢飄過嚟

最近有人就在facebook 專頁中分享一件露營時遇到的恐怖事。樓主指前幾年，當時好多人都興去露營，所以她就和男朋友一齊去試下露營車，即係不用自己搭營，夜晚亦不用自備睡袋，在車入面瞓覺。當時他們選了一個比較空曠的位置，諗住走時方便離開，點知就在錦上路遇到恐怖事。

到夜晚大概10點11點左右，忽然有風，於是樓主就和男朋友一齊坐近露營車繼續傾偈。由於當時樓主坐的位置望到馬路，所以馬路有任何東西經過都可以好清楚看到。

露營車附近特別黑，又冇乜人，此時樓主男朋友開始講恐怖故事嚇她，叫他不要亂講之際，點知這個時候，她就見到有架車在遠處過來，男朋友又與她一齊望過去。

此時，他們一齊望到一架藍色的車遠處過來，不過愈看愈覺得心寒，因為所謂的「車」一點都不立體，他們原來是見到一架紙紮車飄過來，勁驚嚇！

更恐怖的是，在紙紮車入面，他們望到有個司機，雖然他經過的時間不長，但都可以清楚見到「司機」一樣好似紙張般薄。當架車走了，大家一句聲都無出，即刻走人。

帖文一出之後，有網民就指：其實錦上路一向都有好多鬼故。是真是假就只有當事人先知。也有人表示曾在錦上路搭的士返屋企時，亦因為見到疑似後座的「乘客」而大感驚嚇。