尖沙咀海港城停車場太窄？私家車泊過界頂死隔離 網民錯重點：個車牌好襯佢
廣告
香港地少人多車多，市區不少地方為求劃多幾個停車位，不惜將停車位劃細；又抑或停車場是以前的標準，但車輛隨著Size變大架，停車位又無變大，容易發生泊好車但落不到車的情況。近日一名私家車司機在尖沙咀海港城泊車泊過界被公審，網民仲錯重點表示車牌好襯該位車主！
尖沙咀海港城停車場太窄？
私家車泊過界頂死隔離 網民錯重點：個車牌好襯佢
香港泊車位大小不一，不少新手駕駛在不熟路，在出發前都會做資料搜集，避免誤入地獄停車場刮花愛車。近日有一名網民在網上發帖，後來被轉載至Facebook群組「香港馬路炸彈資料庫」，地點應為尖沙咀海港城的海運停車場，發帖車主的Tesla Model 3被一部Tesla Model S私家車泊過界「頂死」，導致無法上落車。
片中可見該輛Model S泊在一輛保時捷Taycan及事主Model 3之間，車身明顯傾向Model 3一側，更在泊完車後乘客才下車，因為位置窄，乘客下車時車門更有撞到車主車門之嫌。事主直言「明知個場窄，正常落完其他乘客先再泊架啦？落完人再泊貼我，你有冇咁L自私阿！？最後我上唔到車，要由副駕上！泊到過一過都係避唔到d自私L」。
片中可見事主有意地「偷位」泊出外界（因片主車旁是空位），讓中間車的司機/乘客可以更好的上落車，豈料被另一部車頂死，令他感到憤怒及不解。網民看片後就認為中間的Model S明顯泊得差，加上應讓乘客先下車再泊車，「唔使夾硬嚟」，傷到別人的車就無謂。不過也有網民錯重點指出車牌好襯該位車主，不過因為私隱緣故，編輯就不將車牌號碼公布，不過網民指其寓意為「一生一世濕X」，大家可以自行猜測！
該位車主為何被發帖公審？
因為該位車主泊車泊過界，頂到事主無法上車，再者…詳情
為何網民錯晒重點？
因為該位車主的車牌非常搶眼，網民指其諧音寓意為…詳情
圖片來源：Facebook@香港馬路炸彈資料庫、YouTube@車CAM特警
