男子亂過馬路險被撞後發難 引發連串脫序行為！網民懷疑是「碰瓷黨」
廣告
「你有壓力，我有壓力」係多年來香港人嘅口頭禪（知咩事都有啲年紀），特別係喺馬路上呢啲高壓嘅地方容易引起口角，想像下如果有人喺馬路上亂咁嚟而差啲釀成意外，但呢個人仲惡人先告狀，真係唔知好嬲定好笑。近日有人上傳一條車cam片，有一位仁兄亂橫過馬路搞到差啲俾車撞，好彩司機煞得切掣，但該男子突然反應勁大，指住司機大鬧「我叫你撞埋嚟啊！」加上連串脫序行為，令網民大嘆「白卡真係冇樣睇」。
男子亂過馬路險被撞後發難
連串脫序行為惹熱議！網民：可能要關心下佢
呢條片出現係Facebook群組「香港馬路炸彈資料庫」，片中顯示疑似於天水圍西鐵站附近，一個私家車如常行駛，突然有個人從右邊行人路跑出衝上左邊行人路，於右線行駛車輛距離較遠，而片主幸好及時收掣。該名行人甫見司機停車便立即失控手指指大叫「撞落嚟啊！撞我啊！我叫你撞落嚟啊！」
影片入邊其實可以隱約見到呢位朋友係喺觀察過路面情況之後決定過馬路，所以好多網民嘅第一個反應係佢其實真係一心求撞，有「碰瓷黨」嘅嫌疑；亦有人認為呢種行為非常自私，隨時有機會影響車主被控，所以車cam真係好重要；但最令人疑惑嘅就係，如果呢位仁兄真係想比車撞，點解又唔會喺路中心停低，而係跑上行人路呢？
網民：唔好放棄治療
就係呢一系列令人摸不著頭腦嘅行為，引發起網民搞笑回應，例如有人建議呢個朋友如果去彌敦道走返轉，應該可以事半功倍；除咗有人慨嘆「白卡（殘疾人士登記證/精神病患者）真係冇樣睇」之餘，仲有網友懷疑其實佢係賽跑冠軍；有人仲為香港精神病患者講好說話，因為佢哋最多都係鬧下人，冇做到任何傷天害理嘅事。講到最後，其實好多問題都有解決方法，千祈唔好因為睇唔開做出傷害自己或者其他人嘅事！
香港撒瑪利亞防止自殺會 24小時情緒支援熱線 2389 2222
該男子做了什麼？
男子亂過馬路時險被撞，更引發連串脫序行為，…詳情
網民點睇？
網民就慨香港人壓力真係好大，再者懷疑他是碰瓷黨，因為…詳情
圖片來源：YouTube@車CAM特警,Facebook@香港馬路炸彈資料庫,LIHKG
