停車場陷阱再現？將軍澳停車場大字寫免費 其後每小時收天價？！

停車場陷阱再現？將軍澳停車場大字寫免費
其後每小時收天價？！網民：好多屋苑都收呢啲價

香港車主們除了供車的花費外，最大的開銷通常都是油費及停車場泊車費。近日一名網民在Facebook群組「泊車優惠及收費情報區（香港）」中貼出一張照片，圖中為日出康城晉海停車場的收費表，分別為搬屋車輛及卸貨區泊車收費，表上以大字寫著「免費 Free」及$50-$200元不等的收費。

看到「免費泊車」，相信一眾車主們都會感到心動，不過當然事有蹊蹺啦！雖然寫著免費，但是免費停泊的時數就非常細隻，可謂「邊有咁大隻蛤乸隨街跳」，仔細地睇搬屋車輛的免費時數為2小時，其後每小時$200元；而卸貨區泊車首30分鐘免費，其後30分鐘$50元、第2小時每小時$100元、第三小時及其後每小時$200元。

有網民看到圖片後就認為價錢大大隻字，但條款只得細細隻字，容易令車主誤會，「最憎呢啲所謂魔鬼細節」、「你唔寫牌板下面？」、「公司陰毒，定係管理人陰濕！」，並指如有車主看到免費後「狗衝」，泊車費就不堪設想。不過也有網民指「好多屋苑嘅車路上落客區都係呢啲價位」，「搬屋車輛收費差不多」，免費兩小時已算厚道。