港女暪住同居男友凌晨3點同人whatsapp 對方係有婦之夫仲有個女！男友最後決定要報復！｜網絡熱話
事主與拍拖2年女友同居
事主與女友拍拖2年，最近開始同居，「以為大家可以開開心心日日相見一齊落去，雖然係有拗撬，有好多地方要磨合，但相處都係開心。」
女友每晚同人whatsapp至2、3點
不過最近事主發現，女友每晚都同人whatsapp至夜晚2、3點，「佢以前明明12點一定會瞓，我知道唔方好嘢，但唔敢肯定佢出軌，亦都唔夠膽去睇。」事主向女友表達不滿，女友則解釋只是傾公司八卦事，第二日依舊不斷同人傾偈。
發現女友與有婦之夫傾whatsapp
事主因此事與女友鬧交，女友即時道歉，更表示不會再夜晚whatsapp其他人。事主有一次趁女友外出兩小時，偷偷開女友whatsapp，「睇到佢日日同個同事flirt，甚至係返工時間畀人同佢按摩，出去嗰兩個鐘亦真係去見個同事，個同事仲要係結咗婚有埋女，我手都震埋，心都碎埋，佢就繼續係隔離瞓得安安落落。」
男友當場崩潰大喊
事主要求睇女友whatsapp，女友不情願指：「電話有同事個人資料，又話睇咗關係就會有裂紋，會返唔到轉頭。」男友堅持要check whatsapp，女友就講大話要用電話處理公司事，其實想刪除whatsapp紀錄，事主當場崩潰大喊，「佢淨係咁話對唔住，佢應承我會辭職，唔再同個同事有聯繫，只愛我一個。」
男友死心決定提分手
女友明明應承事主會辭職，「結果今日6點就whatsapp我話要OT，去到10點都未返，我已經心死準備提出分手，做咩都冇哂心機，完全唔知點繼續相處，間屋仲有半年死約搬唔到走。」
男友決定報復女友
最後事主決定分手，亦會繼續自住，「租金我會自己一力承擔，我會畀時間佢執嘢同搵地方住，姦夫嗰邊我會嘗試搵返啲對話，之後睇下有冇辦法畀到佢老婆，唔淨止係報復，我覺得佢老婆有權利去知真相。」
網友：日後你個心都會有條刺
網友紛紛支持樓主決定，「加油巴打，你值得一個更好」、「就算佢肯改，日後你個心都會有條刺，成日都會諗佢會唔會再出軌仲辛苦，早散早著，遲散訓唔著」、「兩年幾姐，分手好快可以搵第個，唔使為呢啲女咁傷心啦！」
資料來源：連登
