《Stranger Things》被網民力捧為神劇：「一劇已打贏Disney+」｜網絡熱話

Q: 網民點睇Stranger Things?

串流平台原創劇先驅，甚至可以憑一劇贏其他公司.. 詳情

Q: 咁Disney+呢?

雖然原創劇未見出色，但呢樣嘢贏咗香港人嘅心... 詳情

Jul 13 2022

放工放假有時只想攤唞，寧願留喺屋企睇吓電視放鬆吓就算。串流平台（streaming platform）可以讓觀眾選擇觀看時間以及影片，啱晒香港人繁忙生活節奏，其中Netflix同Disney+就係香港最流行嘅兩個服務平台，藉着《Stranger Things》（港譯：怪奇物語）播出，引起網上熱烈討論究竟邊間公司嘅製作水平較高，點知網民反應兩極，可以話係百貨應百客！

《Stranger Things》一劇打贏其他串流平台網民意見兩極！

其實自從《Game of Thrones》播出之後，歐美電視劇製作同拍攝嘅水準越來越迫近電影，不單止啟發網上串流平台除咗購買之外，更投資拍攝自家電視劇定電影，其中先驅之一必數Netflix製作的《Stranger Things》（怪奇物語），憑著80年代懷舊風格、栩栩如生嘅高質素CGI、加上懸疑曲折嘅劇情佈局當年引起一股熱潮。

Stranger Things 每一個系列播出時即佔據平台播放榜首。 — 每一個系列播出時即佔據平台播放榜首。（圖片來源：Stranger Things 3海報）

Stranger Things 套劇可能真係同11一樣咁好打。 — 套劇可能真係同11一樣咁好打。（圖片來源：Stranger Things 4拍照）

近日有網民於討論區指，Netflix只憑着《Stranger Things》一劇已經可以將其他串流平台公司打贏，特別係Disney+，本以為有Marvel同星球大戰作為製作團隊背景，拍出嚟嘅劇一定有咁上下質素，點知大部份原創劇劇本薄弱，刪減血腥暴力情節畫面，實在強差人意，一年約滿之後亦都唔會再續。

Stranger Things 一套劇集原來可以撐起成個電視台？ — 一套劇集原來可以撐起成個電視台？（圖片來源：LIHKG）

其他網民紛紛加入討論，表示喺Netflix於《Stranger Things》播出前喺香港可以話係冇乜市場，但就因為呢一套劇引起嘅風潮令到好多香港人都為咗睇佢而俾畀錢，從而了解到原來追劇可以係一個咁樣嘅模式，仲搵返細個時睇開嘅美劇！而因為疫情留喺屋企嘅機會多咗，約埋朋友各自喺屋企開Netflix party間接令到呢個串流平台人氣直線上升！

Stranger Things 網民留言。 — 網民留言。（圖片來源：LIHKG）

Stranger Things 諗起嗰時約埋朋友一齊網上追劇。 — 諗起嗰時約埋朋友一齊網上追劇。（圖片來源：LIHKG）

Disney+憑一樣嘢穩紥香港市場！

雖然原創劇以及紀錄片Netflix可能係比較出色，但其他公司有佢哋嘅特色。有網民提出Disney+在意香港市場，除了影片一概附上港譯字幕之外，某些戲更會有廣東話配音，特別係睇返啲舊卡通片，成個童年回憶翻返嚟。此外Disney+仲購入咗好多港產片，例如智齒、一秒拳王同濁水漂流，此亦都睇得出公司支持香港製作以及睇重香港市場，就係呢一點虜獲咗不少香港觀眾嘅心！