P牌仔揸車特別易被惡意針對？網民超認同：香港人車品真係好差！教路P牌一招免被恰｜玩樂熱話

掛P牌揸車特別易被惡意針對？
網民超認同：香港人車品真係好差！

暫准駕駛執照（Probationary driving licence，俗稱P牌）是香港運輸署對缺乏經驗的新手駕駛者（俗稱P牌仔）發出的一種特別的駕駛執照，暫准駕駛執照持有人除了需遵守一般道路守則外，也需要遵守其他規定，例如需在前後擋風玻璃掛上「P」字、在時速限制70公里以上道路行車時，車速不可超過70公里、以及不可使用快線等，在一年後無觸犯道路交通違例事項被定罪便可申請正式駕駛執照。

近日有網民在連登討論區上發帖，他指自己本身為正式駕駛執照持有人，最近陪P牌朋友練車，但臨走時忘記將P牌撕下，開車上路時發現路上其他駕駛者對自己非常不友善，例如「行迴旋處啲車好似見係P牌就即刻直出」、「轉左彎（細彎）既時候，對頭轉彎嗰架即刻同你搶位」、「泊車既時候特登推X住你個尾」等。

帖子引以網民熱烈討論，認為「好多人一坐司機位就躁狂症」、「好多人唔知趕住去邊咁，死推爛推唔到最後唔轉線」、「有個朋友平時好好人，一揸就就係咁X人老母，又閘人又狂呠」，並直指香港人車品確實麻麻地，也有同樣P牌的網民同感被針對。

除此之外，有網民教路只要手車夠穩，不要時快時慢及大腳俾油收油，即可減低其他駕駛者的「憤怒值」，最多只會加油爬你頭而不會對你「玩嘢」。

也就有老司機網民指出該些司機其實欺善怕惡，假如P牌仔是駕駛貴車，未必會受同樣對待，反而會敬而遠之，也有人教路建議樓車揸超跑，即使掛P都不會被針對。（大佬，個個有超跑揸咩…編輯都想…）