阿爸學識Netflix瘋狂煲韓劇兼迷上IU！港男擔心：再咁落去會家變｜玩樂熱話

港爸Netflix瘋狂煲韓劇

最近有網民在連登討論區發文，事主指父母一向喜歡睇電視，母親多數睇Mytv Super，父親就會睇YouTube，「我自己就通常唔同佢哋爭，入房開PS4睇Netflix。近排換咗部新Smart TV，咁我見佢哋睇大台都唔係辦法，咪連個Netflix畀佢地睇，教咗佢地用」。

父親迷上睇韓星IU

怎料事主父親最近開Netflix看《德魯納酒店》，「老豆話個女主角幾靚女，幾日就睇晒，之後開始search埋佢資料，show佢啲歌我聽話咩又靚又叻，仲識少少廣東話，上埋連登揾IU啲圖send上屋企WhatsApp group，搞到老母都嬲嬲哋，有次3點起身去廁所仲俾我撞破佢係廳無開燈睇IU，又用我Netflix瘋狂煲泡菜劇，搞到我啲suggestion/continue watching亂晒，追返勁唔方便」。

兒子：我驚再咁落去會家庭破碎

事主表示父親追晒《德魯納酒店》後，現在追《請食飯的漂亮姐姐》，樓主詢問一眾網民可以如何處理這個問題，「我驚再咁落去會家庭破碎」，不少網民紛紛留言，建議樓主多開一個賬戶，就唔怕watch list會亂，「唔係一個account分五個profile咩？」、「聽講Netflix可以匯出片單，唔知人手可唔可以修改到，你開返個profile畀自己重新嚟過」。

網民：畀你阿媽睇，佢都會鍾意IU

有網民教港男應該叫埋媽媽一齊睇，「令尊識貨」、「叫你老豆睇埋我的大叔啦」、「俾你阿媽睇，佢都會鍾意IU」、「IU有咩問題啊 老少咸宜」、「我係女仔，我都好鐘意IU，我的大叔超好睇架」，兩人齊齊煲劇就無事，打和！

原文截圖