MIRROR齊人出活動 海港城宣傳Samsung新機：西裝Look烈日下暴曬 Fans大喊好型但心痛！｜網絡熱話
撰文：八卦妹｜圖片來源：新Monday、Samsung、「我老婆嫁左比Mirror導致婚姻破裂關注組」
兩萬人同等鏡仔出席Samsung活動表演
當晚活動開始前已經有兩萬fans睇住直播畫面等Mirror出場，大會先用航拍又拎唔同角度來做直播，經歷好一段時間的warm up之後12位偶像才正式現身，真係考驗晒大熱天時喺海港城門口睇住直播嘅鏡粉。
搭正9點鐘，Mirror終於出場！一行人著番下晝見過嘅靚仔西裝，不過今次就戴晒口罩影相同做訪問先。
Mirror出場15分鐘 訪問兼唱兩首歌！
主持訪問12位鏡仔用新電話嘅感想，AK更分享用呢部電話自拍嘅新趣味，更同隊友分割咗張自拍，再用幾部機砌番埋，非常過癮！Anson Lo同Jeremy就即場示範用電話自拍，Edan更大讚電話摺埋細細部，收埋唔畀花姐知道最方便。
直播有驚喜 Boss初舞台！
今次鏡粉就唱咗兩首歌，除咗上年推出嘅 ignited，仲唱咗今年6月先出嘅Boss，絕對係今次Live嘅最大驚喜，因為係Mirror第一次唱Boss嘅Live。不過可能因為第一次表演，Fans都覺得仲有唔少進步空間，好期待睇到下次Mirror 再次齊人嘅表演啊！
可以去返 Samsung Facebook 回味呢個Live，由1:00:00開始睇就會聽到有聲鏡仔同Boss嘅Live喇！
回帶中午：Mirror型仔西裝Look現身
Mirror今次齊人現身，中午身一場仲要以型仔西裝Look現身，好charm啊！不少眼利網友發現，有部份成員的西裝是同款但不同色的配搭出現，例如教主Anson Lo和AK、Ian和Stanley和Jeremy，來個真人西裝大對決！不過各有各型格，打和啦！而姜濤是唯一一位無著西裝現身，反而更突顯他的光芒，好特別！
Lokman清爽短髮、Jer直短頭髮現身
同時亦有不少成員以新Look現身，剪了頭髮，成個人氣質都唔同咗，Lokman剪去了一頭長髮、Jer由一頭大卷毛變成短直髮，好想大叫負離子哥哥！
Stanley 回應：「雖然好熱，但真係好喜歡西裝！」
眼見Fans好擔心12子著西裝暴曬，Stanley在IG貼心分享了自己的西裝Look，並留言表示真係好喜歡，似乎唔想Fans太擔心。
廢話唔多講，以下係Fans福利時間，多圖，嚟欣賞Mirror各人的Solo靚相啦！
早前報導：
24/8「我老婆嫁左比Mirror導致婚姻破裂關注組」內，有網友上載了一張本應屬於媒體的邀請函，從中看到有Samsung的LOGO，亦有講出活動的詳情，而有分享的網友就籲「星期四收工無咩事唔好落尖碼旁的海港城…」而有前夫在關注組內表示：「各位前夫，仲唔快啲擔凳仔霸頭位#你的求生意志如何 #你日後的日子也必如何」
活動屬私人性質 但都有得睇
Samsung今次為宣傳全新Galaxy Z Fold3／Flip3 摺機，特別在海港城頂層 – 海運觀點包場舉行新機發布會，雖然活動屬非公開性質，但Samsung亦都十分為歌迷及網友著想，除了會在Samsung 官方Facebook開live外，追星一族也可以透過海港城大電視看到活動內的盛況。另外亦提提會到場應援偶像的歌迷，雖然地點開揚，但小心不要走到停車場內或停車場天台，以免發生危險。
MIRROR 齊出Story 撐Samsung 新機發布
自大會公布MIRROR 將齊人現身出席Samsung後，12子都分別在其IG Story內公布活動，仲透露會在活動上表演。
