Mirror成員變樓盤名！愛· 濤、柳應庭、卓賢居個個爆笑！鏡粉：好過而家啲樓盤名好多！｜網絡熱話

Jul 7 2021

Mirror成為城中熱話，早前FB群組「我老婆嫁左比Mirror導致婚姻破裂關注組」掘起，話題一時無倆。而近日就有網民於群組中分享自己關於日後樓盤的睇法，其命名皆以Mirror而起，成功獲得網民熱烈支持。

撰文：每日俾女朋友轟炸Anson Lo好靚仔之人丨圖片：「我老婆嫁左比Mirror導致婚姻破裂關注組」截圖、Mirror成員各人IG

Mirror爆紅！網民建議用鏡仔做樓盤名！

近日Mirror的氣勢紅到十分誇張，其成員的海報和代言廣告亦大增。只要走出鬧市一帶，總有一個廣告在你左近，可見廣告商都熱愛用Mirror作為代言人。而不少粉絲的另一半投訴因Mirror令到自己另一半好似「畀鬼迷」一樣，精神上的愛已經全然寄託到Mirror身上，呢次真係「焫焫焫焫焫焫著」！

呢次真係炳著晒。（圖片來源：《IGNITED》MV截圖） — 呢次真係焫著晒。（圖片來源：《IGNITED》MV截圖）

Facebook亦出現男士苦主群組「我老婆嫁左比Mirror導致婚姻破裂關注組」，但不出兩天就已經被一眾粉絲功陷，其瘋狂程度超誇張！有網民就指由於Mirror的成功，擔心未來地產商的新樓盤都會以Mirror命名，害怕樓盤都會被鏡粉買爆。（鏡粉好有錢的！）

群組不出幾天就有20多萬人加入。（圖片來源：「我老婆嫁左比Mirror導致婚姻破裂關注組」截圖）

樓盤名字如「柏傲· 然」，「MIRROR Town」，「The ANSON」，「姜濤灣」等等都十分應景，亦都非常符合地產商那種熱愛簡單但又不能失去霸氣的命名方法。不過筆者認為最出色的命名絕對是「柳應庭」，用上啊Jer本名柳應廷同名更改。其意味著入住者可以入住到….啊Jer的身體當中，OMG想一想就十分興奮（迷妹mode on）。

懷疑開post者為地產商準備起樓所以入嚟刺探情報。（圖片來源：「我老婆嫁左比Mirror導致婚姻破裂關注組」截圖）

鏡粉：今次真係傾家蘯產！

網民紛紛對以上的樓盤命名都十分贊同，認為絕對有市場。認真威水。試幻想吓到時就有個XX地產的經紀拍片介紹：「呢度就呢近期大熱姜濤灣，係以Mirror成員姜濤去命名。」相信成真的話會出現鏡粉式「一秒間」搶樓狂潮。除此之外，12子的幕後大功臣花姐當然亦要作一番命名，有網民就指應改作「慧君天下」，筆者一定第一時間出錢買！