MIRROR演唱會意外｜明星藝人IG洗版式齊集氣 古仔：停止轉發意外片段！
廣告
MIRROR演唱會第四場演出期間發生嚴重事故，於演唱《Elevator》期間一塊懸吊高空屏幕突然墮下，兩名舞者受傷送院，演唱會亦即時腰斬。消息一出即遍傳演藝圈內外，受盡各界關注，藝人們紛紛於社交媒體回應，呼籲各界人士集氣為受傷人士祈福，而COLLAR亦於IG宣布今日暫停所有活動及訪問，其中Marf 同古天樂更呼籲大家停止轉發令人不安嘅片段以免造成二次傷害。
MIRROR演唱會意外｜ERROR＋COLLAR 明星藝人IG洗版式齊集氣 古仔：停止轉發意外片段！
明星藝人發聲齊集氣
發生如此嚴重嘅意外，影響最深一定係在場表演者，Saiter同Beep兩位舞者就於IG上報平安，同時希望各位為受傷嘅阿Mo與阿Fung集氣祈福，大步檻過。早前有為舞者發聲嘅AK就係IG上發出全黑story。
Edan、AK出全黑IG Story
MIRROR成員Edan很快便於IG出全黑Story，其後AK亦同樣出全黑IG Story。
分屬同門嘅阿DEE，肥仔，Candy同Marf亦有喺IG出story，希望傷者平安無事，其中Marf除咗勸喻大家停止轉發影片外，仲關心到所有在場人士，如果覺得自己受到事件影響而得到創傷後遺症，可以向身邊朋友或專業人士求助，更提供各機構嘅求助熱線。COLLAR亦都宣布取消今日嘅所有活動。
古仔：停止轉發意外片段！
另外演藝界內外各人亦非常關心此事件，紛紛與社交媒體表示希望各界朋友為傷者祈禱， 甚至有台灣藝人亦都知道此消息，其中古天樂古仔更於Facebook同IG為演藝界發聲，更希望所有人將重點放於當下傷者嘅康復以及檢視台前幕後人員嘅安全，並停止發放引起人不安嘅意外片段，希望以正能量去為傷者祈福。
MIRROR 演唱會發生什麼事？
於演唱《Elevator》期間一塊懸吊高空屏幕突然墮下…詳情
藝人如何回應?
藝人都希望大家為傷者祈福，平安無事…詳情
撰文：KW圖片來源：Instagram截圖
