余文樂潮牌Madness門市結業！網民力數3大死罪：設計品質都好差

余文樂潮牌Madness疑似執笠 網民驚見網店門市都結業！

2016年，正值工裝在亞洲地區大行其道時，當時香港潮流Icon余文樂趁勢成立個人品牌Madness，設計單品均圍繞住工裝以及軍裝。推出初期受到圈內熱捧，每次發售新系列都立即一搶而空，而且更出現炒價，仍無阻一眾工裝愛好者的搶購，其風頭同日潮品牌都有得揮！

北京旗艦店即將倒閉

就在今年初，有內地網民發現Madness在北京三里屯的旗艦店疑似在約滿後便停運，而在天貓上的網店亦將於1月29日終止經營，令外界都猜想Madness終於走向倒閉，而有消息指出Madness實體店將於2月25日結業。

不過編輯翻查品牌網站，發現MADNESS官網仍然正常運作，亦有多項產品上架中。

Madness 3大死罪

1. 品牌欠缺創新

Madness慢慢走向死胡同，而日潮工裝品牌亦開始融合新風格，例如是時下大熱的City Boy風格等等，但Madness卻像一路鑽牛角尖，一季比一季差，主理人余文樂都懶理，醉心於自己的「Zombie Club」元宇宙市場中。令Madness步步走向結束。

2. 款式抄襲多個品牌

Madness多次爆發抄襲風波，就連死對頭陳冠希都忍唔住串余文樂的品牌為「SADNESS」以及「COPYNESS」。不過要講Madness為何做唔住，最大原因莫過於其品牌的產品大多都被指為「打版」，由單品上不難看見日潮品牌如Wtaps、Neighborhood等等相類近品牌的影子，不過就算款式抄對了，其品牌的質量都一直為人垢病，一個字「差」便能夠總結了。

3.定價高質素差

近年來Madness的定價越來越高，但質素卻不成正比，不少網民都大鬧「質量設計都差」、「沒甚麼人買，東西也一般」、「打版仔的東西性價比太低了吧」。

死對頭CLOT 20年仍屹立

反觀死對頭陳冠希的品牌CLOT，由2003年成立至今已經有20年，品牌旗下的產品主攻街頭潮流區域，除了在中國受歡迎外，在外國同樣大受歡迎。而CLOT由創立至今，仍然以「中華文化元素」作為品牌賣點，與Madness毫無特色可以算是大相逕庭，唔關得一直都「唔夠FC鬥…FC鬥…FC鬥…FC鬥…」

原文刊於：新Monday