大陸KOL直播濾鏡突消失！驚現網紅大媽真面目 粉絲人數不跌反升！｜網絡熱話
廣告
只要有部電話就係人都可以做KOL。近十幾年有唔少社交媒體興起，除咗可以發布相片同影片外，有唔少已經支持直播功能。中國有部分直播主靠開直播打機或傾偈，更會喺直播期間開濾鏡，為求令自己有咁靚得咁靚，引男觀眾瘋狂送禮物。不過以下呢位內地著名直播KOL近日令粉絲一秒內瞬間崩潰，恐怕以後想再靠直播賺錢都幾難喇……
撰文：Evita｜圖片：微博
內地KOL直播 露出大媽真身
內地著名直播主「喬碧蘿殿下」從來唔露臉，每次開直播都會用卡通圖案遮臉，以豐滿上圍示人，加上佢聲音嬌俏，時不時都會喺微博大派福利，發靚靚自拍，令人一直以為佢係一位大美人。
日前KOL「喬碧蘿殿下」同另一位直播主「mix晴子」齊齊開live，「喬碧蘿殿下」一如既往用卡通圖案遮住自己個樣，點知圖案疑因系統失靈突然消失，「喬碧蘿」真身曝光，望落係一位近50歲嘅大媽，嚇親網友。
而「mix晴子」即時覺得唔對路，婉轉地問對方：
「妳的頭像怎麼會是這樣子的呢？這怎麼做的呢？」
可惜大媽仍然未有察覺，回應：
「因為我放了一個圖上去，我不能露臉，我要過10萬訂閱才能露，我是個顏值主播。」
言談之間，「喬碧蘿」仲用甜美嘅聲線表示自己其實係58歲嘅阿姨。曾經有粉絲向「喬碧蘿」打賞10萬蚊人民幣，更表示想同佢見面，而「喬碧蘿」就一直只發美女圖，唔肯現真身，非常神秘！今次露出真面目，有唔少粉絲都去到佢微博留言大鬧佢「唔要臉」，更有人笑佢係「奶奶」𠻹。但露出真面目後，粉絲人數反而暴增，大家睇嚟都係想食花生嘅心態喎！
有網友又話大家見到嘅只係「喬碧蘿」嘅奶奶，「喬碧蘿」只係喺旁邊配音。真相係點，就請大家自行判斷喇！
關鍵詞
網絡熱話
