小氣男友將所有洗費紀錄落Excel 定時追女友還錢！｜網絡熱話

May 30 2022

很多情侶間都會因為錢銀而爭拗，特別是當另一半計數計到盡時，就會感到唔耐煩！最近有網友大呻男朋友的怪癖，她指男友永遠在人面前，都會豪氣埋單畀錢，再man爆講之後先計，但就被女人發現大至食聖誕大餐的數，細至condom錢，都被男友紀錄在Excel內，更會定時收返女友錢！

小氣男友埋單後紀錄落Excel 定時追女友還錢！

最近有女網友在連登討論區大呻男友的不是。事緣女網友有位大9年的男朋友，從樓主的形容下，男友算成熟又穩重，完全沒有代溝，睇得出女友都非常愛慕！不過女友卻發現男朋友的行為古怪，她發現男友出街雖然經常Man爆畀錢，但原來卻每次都記落Excel內！「出街食飯埋單個陣會主動拎錢出黎畀，但係各有各返到屋企之後佢就會send個Excel出嚟，上面會寫住今日做左咩用咗幾錢（例如一齊食飯用咗150，佢就會紅色字寫住我差佢75 ），記低晒全部同我一齊時用咗幾錢，好似搵完我之後搭車返屋企嘅錢都會寫低。」女友指假如達到某個數目，男友就會提醒她要「還錢」！

男友有港女大呻男友咩都記落Xcel！ — 有港女大呻男友咩都記落Excel！（圖片來源：《紀念日》劇照）

男友不過在言語中，睇得出網友好喜歡男友。 — 不過在言語中，睇得出網友好喜歡男友。（圖片來源：連登討論區）

大至聖誕節大餐小至Condom都要追錢！

至於Excel內有咩類型的數目呢？女友指大至聖誕大餐都會紀錄在案。有次聖誕，男友很貼心上屋企煮飯給女友同屋企人食，更幫手洗碗，令女友非常感動，有想嫁的衝動，不過後來發現男友咩都放Excel，令她大叫崩潰！「佢已經share左條Google link畀我，叫我可以自己睇，我一望，X你個街！嗰餐聖誕飯佢竟然要我畀返75%佢！跟住佢話我比較細食所以比70%就得啦（計埋屋企兩老，所以四個人食）」，而且細至condom數，都同女方AA，令女友覺得男友雖然好好，但卻小氣到一個點！

男友女友指大至聖誕大餐，小至Condom都會紀錄在案！ — 女友指大至聖誕大餐，小至Condom都會紀錄在案！（圖片來源：連登討論區）

男友令佢都開始糾結，但又唔想分手！ — 令佢都開始糾結，但又唔想分手！（圖片來源：JTBC《經常請吃飯的漂亮姐姐》劇照）

網民力撐分手：計較與AA制係兩回事

網友對於男友的小氣行為，紛紛勸港女「分手」，認為計較與AA制係兩回事，這種極端的計較難以令人忍受，更指「愛你嘅，就算係金牛座都唔會同你計」。而有網友更覺得聖誕大餐連兩老的錢都要收，實在非常小氣：「平時佢一定唔會請老母飲茶」。而有網友還幫女友諗將來，覺得男友那麼計較，將來同居或結婚，一卷廁紙都會計住計住！

男友有人覺得同呢啲人一齊唔會有將來。 — 有人覺得同呢啲人一齊唔會有將來。（圖片來源：連登討論區）

男友網友覺得，男友同女朋友計較時，結婚後都唔會講屋企人飲茶食飯。 — 網友覺得，男友同女朋友計較時，結婚後都唔會講屋企人飲茶食飯。（圖片來源：《大力女都奉順》劇照）

網友突然倒轉槍頭唔撐女友：兩個都唔好放返出嚟害人

不過，正當網友大叫分手的時候，女友再度發文指自己「唔係想分手」，更大讚男友耐性好！女友指試過曾經因為男友遲排隊，買不到女友心頭好，令女友發脾氣而當街打了男友一巴，但男友依然冇發脾氣仲安慰女友！此言一出，令網友紛紛指「唔好分手」，原因是兩位屬天作之合，「一個孤寒到死，一個脾氣差就打人，請唔好分手」更揚言「兩個都唔好放返出嚟害人」，更祝樓主百年好合！