ETV或會劃上句號 網民：陪住一代人成長
廣告
審計報告指香港電台為教育局製作嘅教育電視節目同視像資源成本過高，但係收看率又十分低，坊間亦有唔少批評指內容過時、同社會完全脫節。所以社會上都有聲音指不如執咗教育電視，唔好浪費珍貴嘅公共資源。另有網民慨嘆，依家網絡十分發達，已經唔會再有人去睇教育電視（ETV）。
撰文：GW｜來源：教育局
小學教師仍有使用ETV進行教學
香港教育專業人員協會近日調查就反駁話其實小學教師都仲有使用ETV輔助教學，對ETV嘅教學價值同成效都表示認同，但係就已經有三成八受訪教師表示自己甚少或從來都無喺課堂上使用ETV教學。
到而家，我每次食橙，都只食橙皮。
我細個睇完真係去食橙皮 食完最後都係要飲水
好彩傻校長唔係帶榴槤
九成五受訪教師同意保留ETV
教協問卷訪問咗六百五十六名小學教師，有近九成五指上堂有使用ETV輔助教學，有八成八受訪教師就指會喺課堂外，如課後輔導、家課自習等使用ETV。有近九成五教師同意保留ETV。但係有教師指出課時不足，教育電視選擇唔多，節目內容又未必切合課程同教學需要，亦都有更佳嘅視像教材可以幫助。
網民就認為ETV個時好多節目都好經典，細個睇到好開心亦都學到唔少知識。睇電視嚟學習生動有趣，部分節目仲記憶猶新，可以睇得出真係可以幫到學生學習，而唔係用死記硬背嘅形式學習。不過網民都認同ETV應該與時並進，唔應該停留係十幾年前，唔係都好難吸引到人睇。
