Disney+煲劇驚遇靈異事件！港女懷疑屋企疑有污糟嘢監視自己

睇Disney+意外引發靈異事件？
超恐怖！屋企疑有污糟嘢監視自己

早前一位女網民在Facebook群組「巴打絲打11鬼故台」上分享指其姨媽、姨丈及表弟來了自己屋企拜年，她表示姨媽的小孩只得四歲，全程「好乖好可愛都好願意痴住我」。

由於大人們在客廳聊天，她就與表弟在房間度玩，並開了房間的電視打算播Disney+畀表弟睇，事主本以為他會選擇卡通片，結果選擇了一套劇集，她不以為然地滑著手機陪表弟一齊睇，表弟更睇得津津有味。

突然之間表弟叫他暫停播放，指着電視並說著「表姐你屋企個哥哥好似呢個人啊」，事主心想「我屋企嘅哥哥？我屋企得我同爸媽？何嚟嘅哥哥」，於是問他「係咩姐姐見唔到呀，可唔可以帶我去睇下啊」，表弟就帶他去到屋企廁所指着天花板最角落，表示「哥哥就係嗰度好似蜘蛛俠咁痴住天花板」。

事主稱曾聽姨媽說過表弟經常語出驚人，仲似乎可以睇到「呢啲嘢」，四歲嘅小朋友更冇必要無啦啦講呢啲，於是她望一望天花板，「諗到有個男人係嗰度就覺得好恐怖，我見表弟仲不斷向住嗰個角落揮手，成件事更加恐怖」。

於是事主同表弟講「但係姐姐成日都要沖涼，哥哥喺度睇唔係咁好喎，我真係好希望表弟可以幫我請走佢」，但表弟就咩都無講就扯了事主回房間繼續睇Disney+，令事主不禁反問，「咁究竟點？個人仲喺唔喺度？」，令她感到非常不安與無助，網民睇完之後就覺得非常心寒！