DAISO／Living PLAZA $12蚊店變相加價？！網民籲抵制：一大原因好應該減價

DAISO/Living PLAZA $12蚊店變相加價？！
網民鬧一個原因好應該減返至$10：依家日本網購分分鐘仲抵買

Facebook群組「12蚊店關注組」內，有網民投稿指「其實12元店以前是10元一件，但因日元漲所以加了2元。但日元現跌回6.2。但佢唔減價嘅。」質疑以前因日圓匯率而加價，如今日圓匯率大幅回落，就跌穿6算，卻不見有減價，實際就如同變相加價！

好多網民回憶起以前賣「10蚊件」的年代，直言好掛住「好掛住佢10蚊」、「最初吉之島時期嘅 living plaza係$10件，食品係$8件（而且好多時仲會減價到$6件）。」

有網民痛斥此舉猶如搶錢：「10算果時佢就加到$12，但一早跌返落7算。佢當時幾難先搵到藉口加價！所以只要一日有人買$12佢都唔會減返做$10。我已經抵制$12店好耐，等佢跌返落$10再傾。」明言至今仍然抵制12蚊店，勢必要逼其減價回復至$10！

不過有網民就話「我印象中以前$10蚊店嘅嘢好似好多都係香港同大陸嘢？冇而家咁高質咁多種類，而家嘅$12蚊店同我印象中嘅$10蚊店係完全兩個世界，無法比較。」

亦有網民解畫稱香港12蚊店不減價其實有原因：「其實而家淨係舖租都比當年加咗好多…….咁多年都維持係$12算係咁」，但是亦有網民認為要12蚊店減價回落至$10實在無可能：「就算啲運費減返，油價急跌，我都唔信佢會減返十蚊。」

為何不會再調低價格？有網民指12蚊店香港龍頭DAISO業務總公司AEON，已經連續數年錄得虧損：「其實AEON連續幾年都蝕錢，上年蝕4.7億，唔執都算係咁，仲想減價？鋪租倉租人工物流年年加，$12呢個價都keep咗好多年，算係咁啦！」

有網民甚至建議應該直接上日本12蚊店官方網站網購空運到港，價格比起香港12蚊店更相宜，連稅110日圓（約7港元）便可買到商品。不過要留意只提供日本國內免運費，想省到盡就要計好運費，以免最後埋單貴過香港入手！