銅鑼灣糖街VICTORIA戲院宣布即日結業！網民不捨：元宵節說再見 我們少了一個情人｜玩樂熱話
廣告
VICTORIA戲院結業｜第五波疫情大爆發，近日每日新增確診個案以千計，疫情一發不可收拾，政府近日宣布收緊社交距離措施，食肆與戲院再度踏入寒冬期。繼2月11號百老匯戲院於荷里活廣場嘅分店院線結業後，今日電影業界又傳出壞消息，Cinema City糖街Victoria戲院宣布即日結業。
VICTORIA戲院宣布即日結業！
網民：元宵節說再見，我們少了一個情人
CINEMA CITY於Facebook宣布﹕感謝各位影迷過去4年的支持，由於租約期滿及受近日疫情影響，CINEMA CITY銅鑼灣糖街VICTORIA戲院將於2022年2月15日結束營業。祝願各位在疫情下安好，CINEMA CITY旗下其他戲院將於重開後繼續為大家服務。
網民睇到消息後紛紛到Cinema City嘅Facebook帖文留言，網民指「元宵節說再見，我們少了一個情人」、「我喺Victoria睇過好多戲唔捨得呀」、「再見$38早場」、「良心戲院」，紛紛表達不捨及感謝之情。
疫情下，戲院因為關閉令多次停業，但戲迷依然希望戲院能夠渡過寒冬並留言送上支持。
長長人龍喺糖街等入戲院睇戲嘅畫面相信已成為大家嘅集體回憶。現時Cinema City仲未公佈有關Victoria會員部嘅服務去向，會員如有任何查詢可上Cinema City官網。
VICTORIA戲院何時結業？
即日起2022年2月15日結束營業。
VICTORIA戲院位於哪裡？
銅鑼灣糖街。
圖片來源：FB@cinemacityvictoriahk 、FB @cinemacityhk
