KOL雪姨開箱CHANEL聖誕倒數月曆嬲到爆粗！IKEA、HKTVmall等品牌出post抽水｜網絡熱話

Nov 19 2021

一向富貴逼人的KOL雪姨近日購入名牌CHANEL的聖誕月曆，而月曆的附贈物可以以盲盒式拆開，如同禮物。不過一個接一個的「驚喜」令到雪姨越拆越燥底，更破防大爆粗口。其崩潰的表現令到觀眾都大感「中伏」。

撰文：WM丨圖片：Instagram@iamsnowwhitewhite、Chanel官網圖片丨資料：Instagram@iamsnowwhitewhite

KOL雪姨崩潰式開箱CHANEL聖誕月曆

今次雪姨購入CHANEL N°5聖誕月曆，價值$6,250港幣，由於是品牌首次推出聖誕倒數月曆，更是限量1,000個，因此吸引眾人搶購，非常難買。雪姨都要托上托才可入手，她表示希望在拆開禮物之後都可以將其內容物以Giveaway形式去回饋支持她的觀眾，所以藉此開Live去進行開箱並讓觀眾知道有咩甚麼好物。

Chanel首次推出聖誕倒數月曆，價值,250 。（圖片來源：Chanel官網圖片） — Chanel首次推出聖誕倒數月曆，價值$6,250 。（圖片來源：Chanel官網圖片）

雪姨今次開箱CHANEL推出的聖誕月曆（圖片來源：Instagram @iamsnowwhitewhite截圖）

她指出其月曆非常難買。（圖片來源：Instagram @iamsnowwhitewhite截圖）

越拆越出事

一開始的開箱都比較順利，一些正常禮品都隨著開箱而出現，例如「貨Size」的香水，唇膏等等。不過雪姨開始慢慢越開越不對勁，一些徽章，CHANEL造型的迷你鏡都出現在其月曆當中。雪姨亦指：「喂，你冇理由淨係俾呢啲Pin我㗎。」。

一開始開箱都仲拆到正常的物品。（圖片來源：Instagram @iamsnowwhitewhite截圖）

「貨Size」唇膏都拆得到！（圖片來源：Instagram @iamsnowwhitewhite截圖）

雪姨超激動繼續拆愈來愈伏！

雪姨開始越開越激動，事關月曆當中的物品越開越伏，她更催眠自己要「冷靜啲」，期間多次憤怒斥：「CHANEL你出呢個Advent Calendar好唔好意思啊？」。只見雪姨開始拆出不少磁石，書籤等等的無用之物。更劍指CHNAEL的PR：「人哋Advent Calendar係想試吓你啲Sample，番梘仔都好啊！」。

之後慢慢就拆出無用的小物。（圖片來源：Instagram @iamsnowwhitewhite截圖）

就連女人街買到的書籤都拆得到。（圖片來源：Instagram @iamsnowwhitewhite截圖）

崩潰到爆粗

雪姨開始崩潰式繼續開箱，每拆一樣「伏」時都附加一句：「What the Fuxk」以及港式精粹：「我X！」，而她爆氣的情形亦令到觀眾睇到十分好笑。其後雪姨的坐姿都開始崩壞，直言：「喂大佬我買咗文具套裝啊？」、「$6000幾蚊買個白色紙盒返嚟？」。

雪姨崩潰式拆箱。（圖片來源：Instagram @iamsnowwhitewhite截圖）

到最後已經完全破防。（圖片來源：Instagram @iamsnowwhitewhite截圖）

直指個盒就係最好：「我人生最錯係今次！」

最後雪姨開完整個CHANEL的聖誕月曆之後都已經完全崩壞，更指：「成個Advent Calendar，最好就係個盒」，除了紅色唇膏、潤手霜、迷你版香水是尚算實用外，其他都是貼紙、磁石、鑰匙扣、擴香石、布袋、手繩、書籤等。雪姨超嬲大鬧：「What the fxxk is that？我俾人呃到透！CHANEL，I hate you so fxxking much！我識咗你（CHANEL）幾十年，未見過你出本簿，本簿震撼我三觀，我X！送布袋，Hello Hello，連M巾都裝唔到」，亦表示自己下年一定不會購入CHANEL的聖誕月曆，又指：「我人生最錯係今次！」

其期更拆出多張CHANEL貼紙。（圖片來源：Instagram @iamsnowwhitewhite截圖）

直言最好就係個盒。（圖片來源：Instagram @iamsnowwhitewhite截圖）

保錡、Frankie：「笑死我啲反應！」

不少名人KOL都有在雪姨的開箱底下留言，而ERROR成員保錡以及MIRROR成員Frankie都有留言，指：「好好笑啲反應。」，「多謝你嘅反應」。而其他網民都大指CHANEL今次的月曆十分之伏，又指CHANEL冇良心。亦有網民多謝雪姨開箱，令其可以慳返一筆。

網民都大鬧這個超伏月曆。（圖片來源：Instagram @iamsnowwhitewhite截圖）

雪姨其後更加重溫傳媒所寫的推介文章，文中指今次CHANEL的聖誕月曆「完全不會夾雜一些沒誠意的格仔」，雪姨就將其Highlight，更加用返同一句：「算了，Shut up and take my money。」去反諷其文中說法。

個啲格仔其實都好實用，一啲都唔是充數！（圖片來源：Instagram @iamsnowwhitewhite截圖）

各大品牌爭相抽水！

該直播片段於網上瘋傳，短短幾天已破65萬views，雪姨更因此事爆紅，成為城中熱話！各大品牌都爭相抽水，當中包括Carousell、IKEA、HKTVmall等，就連傳媒界KOL Terry的媒體懶人堂都有出post大讚雪姨可愛貼地！今次雪姨中伏開箱片睇得大家非常開心，激讚雪姨夠真，更有人表示被圈粉，已成為其粉絲，甚至有人cap片整了一系列的WhatsApp Sticker，好癲！