Carousell港男$20賣樂譜被問是否包郵 再被對方3字寸嘴回覆焫著｜玩樂熱話
廣告
近年網購興起，更有不少人喜歡到拍賣平台尋寶或出售私人貨物，不過網購始終有風險，除了多中伏被騙個案，怪人亦無奇不有！最近有位網民放售二手樂譜，標價為$20元，但遭一名買家詢問是否包郵費，事主感到震驚稱「本書咁新淨，$20仲想包郵費」，但遭對方一秒「焫著」，其後更爆seed教訓對方，事件引起網友熱烈討論。
Carousell 港男$20賣樂譜遭問是否包郵 被3字寸嘴回覆焫著爆Seed串爆買家
有網民在Facebook群組「Carousell 乞衣+X客關注組」發文，分享自己在拍賣平台遇到的激心遭遇，並將對話紀錄貼上希望其他人能評評理。事緣事主在拍賣網站放售二手樂譜，並標價$20元，當中有位買家詢問是否包郵費，但事主認為書本新淨，對於買家的問題感到震驚，便用短訊覆他「本書咁新淨，$20仲想包郵費，你以為我賺緊你錢？」而買家隨即回答「做人又唔使咁嘅，會折壽」。事主隨即被對方的回應「焫著」，開始爆seed教訓對方「20蚊都畀唔起，燒畀你好唔好？包郵費，包埋帛金」，隨後再附上火盆燒帛金的圖片，回覆「收到未？收到麻煩確認一下」，不過對方未有再回應。
事主補充稱，資料欄寫明郵寄交收，而順豐到付運費至少要25元，不滿「即係叫我貼錢賣畀佢」。帖文引起網民熱議，當中有人認同樓主的做法，認為對方語氣帶侮辱，「其實你第一句都無咩嘢，都係講事實，佢無啦啦講會折壽，真係會著X咗」、「佢唔講折壽都無咩嘢，一講真係會嬲」、「梗係啦，買一本20蚊嘅書仲要人哋包郵冇病呀，仲要話人哋折壽」。亦有人認為賣雙方態度都有問題，表示「問句包唔包平郵都被公審，香港人真係壓力大」，認為樓主毋須多言「一句唔包，完成，簡潔而不失禮」，不用互相傷害。
圖片來源：ViuTV《季前賽》劇照、pexels@Pavel Danilyuk、Facebook「Carousell 乞衣+X客關注組」資料或影片來源：Facebook「Carousell 乞衣+X客關注組」
