港女怒轟Apple職員撳錯掣痛失1.8萬張相樓主狠批職員：不負責任地將個波射嚟射去｜網絡熱話

Apr 20 2022

最近有網民去蘋果公司（Apple）IFC分店Genius Bar，打算將舊電話iCloud的相片轉去新機，疑因職員按錯掣，令她所有相片消失，樓主狠批職員「不負責任地將個波射嚟射去」。

事主將舊機內iCloud的相轉去新機

最近有女網民在討論區發文，狠批蘋果職員操作過程令她損失慘重。事主本身有兩部iPhone，打算將舊機內iCloud的大概18,000張相轉去新機。事主指：「唔係太識IT嘢，心諗去Genius Bar去搵專業人士幫手實冇死。」事主約好時間去Apple IFC Store處理搬相問題，「我同個staff清楚解釋咗我嘅情況，佢就氣定神閒地咁㩒我部機，而佢㩒完之後，啲相就立即開始減少。我好驚但係佢同我講sync相要時間，返到屋企叉電開wifi就會有返啲相。」

Apple 最近有女網民在討論區發文，狠批蘋果職員操作過程令事主有損失。 — 最近有女網民在討論區發文，狠批蘋果職員操作過程令事主有損失。（圖片來源：Apple）

Apple 事主本身有兩部iPhone，打算將舊機內iCloud的大概18,000張相轉去新機。 — 事主本身有兩部iPhone，打算將舊機內iCloud的大概18,000張相轉去新機。（圖片來源：連登截圖）

事主發現照片全部消失

怎料事主第二日發現照片全部消失，立即打去Apple Care求助，「Apple Care幫我restore過部機但係失敗咗，於是我就即刻衝去第二間最近嘅Apple Store求救，但係佢地話門市淨係做硬件，我啲相喺晒iCloud都係要問返Apple Care。」事主再打去Apple Care，但對方指相片已經不能取回。

Apple 怎料事主第二日發現照片全部消失，立即打去Apple Care求助。 — 怎料事主第二日發現照片全部消失，立即打去Apple Care求助。（圖片來源：TVB《愛回家之開心速遞》）

Apple 事主再打去Apple Care，但對方指相片已經不能取回。 — 事主再打去Apple Care，但對方指相片已經不能取回。（圖片來源：連登截圖）

IFC分店經理叫事主找修復公司幫忙

其後Apple Care又將事主的個案交給IFC分店經理處理，經理叫事主找與蘋果合作的資料修復公司幫忙，「叫我自己去攞報價，救相嘅費用要我自己負擔」。而資料修復公司指「Apple撳錯咗掣令到啲相冇曬，Apple根本唔應該咁樣撳」。事主再找回IFC分店經理，經理指會放一個禮拜假，亦沒有找同事follow up個案，叫事主打去Apple IFC 門市自然有人會幫忙。

Apple 其後Apple Care又將事主的個案交給IFC分店經理處理，經理叫事主找與蘋果合作的資料修復公司幫忙。 — 其後Apple Care又將事主的個案交給IFC分店經理處理，經理叫事主找與蘋果合作的資料修復公司幫忙。（圖片來源：連登截圖）

Apple承認事件處理魯莽和草率

事隔一個月後，IFC分店經理仍冷漠處理，期間其他職員亦求其了事，沒有認真解決事主問題。而Apple亦承認在事件上處理得魯莽和草率，表示不會處分相關員工，亦不會作出任何賠償。事主怒指：「我幾時提過涉事員工同埋要求賠償？我一路都係想佢地幫我搵返啲相，然後佢地兩個一路迫我諗我要乜，我話我淨係要返啲相，佢地話除咗相搵唔返之外，叫我諗下Apple有啲乜野可以幫到我。我極度無助，忍唔住係舖頭度喊咗出黎，點解佢地可以做錯事都係完全不負責任，冇試過幫我搵返啲相，而需要我呢一個月黎不斷求佢地去救返佢地delete咗嘅相。」

Apple 事主十年來的照片剎那間被刪去了。 — 事主十年來的照片剎那間被刪去了。（圖片來源：電影《原本以為只是手機掉了》劇照）

Apple 事隔一個月後，IFC分店經理仍冷漠處理，期間其他職員亦求其了事，沒有認真解決事主問題。 — 事隔一個月後，IFC分店經理仍冷漠處理，期間其他職員亦求其了事，沒有認真解決事主問題。（圖片來源：連登截圖）

Apple Apple亦承認在事件上處理得魯莽和草率，表示不會處分相關員工，亦不會作出任何賠償。 — Apple亦承認在事件上處理得魯莽和草率，表示不會處分相關員工，亦不會作出任何賠償。（圖片來源：連登截圖）

Apple送iPhone作賠償

過了幾天Apple表示願意送iPhone作賠償，事主不接受這個補償，表示相片比新iPhone更重要，事主沒辦法下直接傳送電郵給行政總裁Tim Cook，Tim Cook辦公室人員說會調查涉事分店及安排幾名高級工程師研究是否仍可尋回相片。但一星期後對方再聯絡事主時，卻勸她接受免費iPhone的賠償。事主最後無奈接受iPhone的補償，「希望各位好好保護自己嘅相，唔好信晒Apple，當佢地㩒你部機嘅時候，一定要望清楚佢㩒緊乜。」

Apple 過了幾天Apple表示願意送iPhone作賠償。 — 過了幾天Apple表示願意送iPhone作賠償。（圖片來源：連登截圖）

Apple 事主最後無奈接受提議。 — 事主最後無奈接受提議。（圖片來源：pexels@cottonbro）

網民真心呼籲：一定一定要Backup！

不少網民紛紛留言，覺得樓主遭遇很慘，「首先祝你可以搵返Backup，香港啲Genius 坦白講真係半桶水，千祈唔好盡信，其實只要去setting，開你部電話嘅iCloud Backup就已經可以做到，根本就唔需要搞咁多嘢」、「講咗一億次擺電話嘅嘢唔可以係孤本」、「之後要定期save返啲相落電話到」、「反而想知你點樣搵到Tim Cook office ，好勁。」