AEON「$39任裝帶子放題」被炮轟！網民嫌棄：袋勁細好搵笨｜玩樂熱話

Nov 27 2022

香港物價不斷上漲，買餸樣樣貴，如果遇到超市大減價，唔少師奶都會瘋狂掃貨，如最近AEON舉行「$39限時限時任入帶子」活動，吸引唔少參加者挑戰，不過有網友嫌棄超市提供的膠袋「點解咁細」，希望能自備膠袋，亦有人質疑做法唔衛生，活動引起大批網民討論！

AEON「$39任裝帶子放題」網民嫌棄：袋勁細好搵笨

早前，AEON宣佈於11月推出一連3天的「Big Friday大折日」，由11月25日至27日除了食品、家品、服飾折扣優惠，更舉辦食品放題活動，包括「$20限時任裝巴西雞中翼放題」及「$39限時任入急凍帶子放題」，而今天（26日）中午12時至下午3時舉行的「$39限時任入中國急凍帶子放題」活動，吸引不少參加者挑戰，大家都手忙腳亂，想盡方法務求用盡每吋空間，將帶子塞滿膠袋。

AEON AEON宣佈於11月推出一連3天的「Big Friday大折日」，當中「$39限時任入急凍帶子放題」引起網民注意。 — AEON宣佈於11月推出一連3天的「Big Friday大折日」，當中「$39限時任入急凍帶子放題」引起網民注意。（圖片來源：AEON）

AEON 直擊AEON油塘店「$39任裝帶子放題」活動情況。 — AEON油塘店「$39任裝帶子放題」活動情況。（圖片來源：Facebook@AEON Stores 關注組）

AEON分店放題實況，參加者都小心翼翼，利用每吋空間將帶子塞滿膠袋。不過唔少網友留言指「個袋勁細好搵笨，咁玩即係逼人用手夾硬塞」，更指放題任裝的帶子偏小「全部變晒黃豆咁大粒」，亦有人指「個袋咁細，$39分分鐘仲貴過嗰啲包裝好嘅」，認為放題價錢不算便宜。亦有購買了的網友無奈指「買左返屋企，狗都唔食」，亦有人樂天表示購買後「曬乾嚟食用都ok嘅」。