藝人、KOL剋星！Adobe研發面部偵測軟件 P圖假樣速速現

Jun 19 2019

而家只要有部智能手機，就人人都係「攝影大師」同「修圖天才」。有好多藝人同KOL為咗令相片顯得更有風格，又或者想將自己瞬間變靚，都會花大量精神同時間執執張相先再放上網，為求打造完美嘅自己。不過，即將會有軟件可以破解「照騙」問題喇！

撰文：Evita、東方新地｜圖片：Adobe 官網、Instagram、微博

Adobe研發面部偵測軟件

而家網絡上成日都出現經已被修改過嘅圖片，人人都顯得皮膚又白又長腿。不過Adobe現正同加州大學伯克利分校3位人員開發一種可以檢測圖像編輯嘅軟件，能夠利用AI偵測出相片中邊個位置曾經被修改。不過軟件暫時只可是偵測到由Adobe Photoshop中Face Aware Liquify功能修改過嘅人臉。

Adobe官方表示，已經請嚟一啲人進行測試，要求佢哋搵出相片中曾經修改過嘅部分，但係憑人類肉眼只能答中53%，而AI結果高達99%。重點係呢個研發中嘅軟件，可以將相片打回原形，姐係各位網民將來有機會唔使再睇「照騙」喇！