用App搭85折的士遇燥底司機!乘客問一句換來「瘋狂問候」|網絡熱話
召85折的士 事主落車付款前確認是否折實收費
日前,有一名女網民發文,公開被一名的士司機不禮貌對待的乘車經驗。事主當日通宵在外,清晨時分用85折的士應用程式(App)由大埔翠屏花園搭的士去坪石邨,車程當中一直相安無事,但到達目的地時,司機表示收費是$152,事主由於通宵未睡沒有自行計算,禮貌地問了一句「係唔係已經85折咗㗎喇?」希望確認車費。
![的士 涉事的士司機](https://imgs.weekendhk.com/wp-content/uploads/2022/08/01_516184413630503661e8cd.jpg)
司機因一個問題瘋狂爆粗侮辱事主
此時,司機突然情緒失控,「呢個癲佬司機就態度好差咁叫我自己計」,又瘋狂爆粗辱罵事主,「係咁鬧我死窮X,冇錢唔好搭的士,句句臭X前臭X後,仲不停X我老母叫我快X啲,我由問完一句就開始不停被佢用粗口鬧」。與此同時,事主正在付款予司機,在司機找續完成後,事主終於忍無可忍反擊司機,「真係癲佬一樣,佢句句都係極侮辱女性嘅說話」,又用手提電話在急忙中拍下司機的形貌及錄下了幾秒的影片,但未及拍下他的駕駛執照,「呢啲的士司機有精神病應該接受治療,唔適合揸車」。
![的士 的士司機因事主一個問題惡言相向](https://imgs.weekendhk.com/wp-content/uploads/2022/08/04_14889875906305039ea5b0a-768x1024.jpg)
事主覺得「有寃無路訴」
事主極度不忿受到不禮貌對待,認為乘客有權詢問車資,特別是用App召的士,「問清楚有冇85折都好合理,我真係只係問咗一句,點解要畀人侮辱?我畀足應該要畀嘅車資,咩叫窮X冇錢唔好學人搭的士?呢啲就係今時今日香港優質嘅的士服務」,她又不滿乘客就算投訴後,運輸署對涉事的士司機都只會發出勸喻信,欠缺監管,令乘客很無奈。
![的士 涉事的士司機當時似乎情緒激動](https://imgs.weekendhk.com/wp-content/uploads/2022/08/05_2013055065630503d73bc1b-768x1024.jpg)
不恥司機的燥狂行為
網民對事主的經歷意見兩極,有的不恥司機的燥狂行為,「食得鹹魚抵得渴,又要做折,又要玩X乘客」、「其實司機都可以扮睇唔到唔接」、「無人逼佢哋接,唔想做85折可以唔接」、「又要做折頭的,又要話個客,真係難招呼」、「你哋濫收車資時,係咪乘客有權上車X到你落車?」
![的士 涉事司機因事主用手機拍攝現場,他即以牙還牙](https://imgs.weekendhk.com/wp-content/uploads/2022/08/03_1893251656305041e3db1b.jpg)
串爆事主 85折的不應有要求
有網民揶揄事主,「叫得折頭的,咪X同人講要『服務』」、「85折唔好有任何怨言」、「唔打你一身算好彩」、「『應該要畀嘅車資』係法定收費呀」、「基本上你一落85折單時已經有好多司機XXXX,只係你聽唔到啫」。
![的士 涉事司機見事主出動手機拍攝,他立即高呼「我唔X識呀!」同時拿出手機](https://imgs.weekendhk.com/wp-content/uploads/2022/08/02_18902791296305046e7b528.jpg)
資料來源:FB@的士司機資訊網 Taxi