759必買9件氣炸鍋食品！長期缺貨Pizza＋韓國氣炸薯粒熱狗＋超好食BBQ雞翼｜網絡熱話
廣告
【氣炸鍋食品推介】759阿信屋出名食物雜貨種類多，當中原來更有不少適合氣炸鍋烹調的雪藏食物，簡直係懶人廚房必備的恩物，今次就整合了9款阿信屋必買氣炸鍋食品推介 ，當中759 pizza更長期都缺貨，一返貨就被搶購一空，仲有懶人必用的氣炸鍋紙！
撰文：Mila｜圖片來源：Faceook氣炸兵團Airfryer、新假期資料室
＊價錢為本文發表時之售價，只作參考，價格如有調整，以759店舖當日所示價錢為準。
9款必買759氣炸鍋食品！
氣炸鍋食品1. 韓國氣炸芝士粟米熱狗 $65.8
熱狗內藏有雙重芝士，上半段有水牛芝士、下半段是芝士粟米腸，氣炸後外皮超香脆口，口感煙韌，配埋茄汁、蜂蜜芥末醬，做宵夜、小食都一流。
氣炸鍋食品2. 薯粒脆皮豚肉腸炸熱狗$78/2件
另一款超人氣熱狗，外層被薯粒包住，脆皮包着豚肉腸，氣炸完超香口！
氣炸鍋食品3. Sajo 安心韓國國產雞炸雞塊 $68/2件
韓國國產雞炸雞塊，一粒粒似麥樂雞，最啱用來送啤酒！
氣炸鍋食品4. 韓國炸芝士條 會員折實價$49.9
芝士味濃，也有拉絲效果，炸到半溶狀態食就剛好！
氣炸鍋食品5. Leo Kee新加坡海南沙爹肉塊 $42.8
新加坡老字號「Leo Kee」，沙嗲醬汁香濃惹味，配搭上豬肉、雞肉、牛肉串，要買定幾包放雪櫃！
氣炸鍋食品6. Sajo韓國海鮮餅/韓國國產雞豬肉餅 $35
肉餅或海鮮餅內加入蔬菜，無咁有罪惡感，更增添了口感！除了氣炸鍋，煎炸來吃都好方便！
氣炸鍋食品7. 759炸蝦天婦羅 $24
一包有10隻，酥脆麵衣下包裹著整隻蝦肉，炸完後不鬆散，性價比高！
氣炸鍋食品8. BBQ風味烤雞翼 $74/2件
袋裝雞翼一定要推介這款，BBQ口味的，味道濃郁豐富，不過Size就細隻咗少少。
氣炸鍋食品9. 韓國6重芝士Pizza $48
這款就是傳聞中長期缺貨嘅韓國Pizza，每次一上架都會旋即被搶購一空，誇張程度係連店員都懶得放佢入凍櫃，因為好快就會俾人賣曬！有極濃厚芝士的意式芝士六重奏、傳統雜錦肉腸口味等，可以放入焗爐、微波爐、氣炸鍋加熱即食，邊焗就會聞到超香嘅Pizza味，勁方便快捷！
懶人必備氣炸鍋紙
係放食物入去前先放氣炸鍋紙墊底，清洗嘅時候就更加方便輕鬆！如果冇氣炸鍋紙亦可用錫紙代替。不過若要氣炸天婦羅這類要全方位受熱的食物時，最好還是直接放入氣炸鍋，因為氣炸鍋紙會擋住底部的孔。另外氣炸鍋紙需在預熱氣炸鍋之後才放入，因為紙本身太輕，會被氣炸鍋內部的風扇吹起。
